الماتىدا «ايالا الەۋمەتتىك قىزمەتتەر ورتالىعى» مۇمكىندىگى شەكتەۋلى بالالار ۇستەل تەننيسىنەن تۋرنيردە جەڭىسكە جەتتى
ۇستەل تەننيسىنەن «سپەشيال وليمپيكس» قالالىق تۋرنيرىندە «ايالا الەۋمەتتىك قىزمەتتەر ورتالىعىنىڭ» مۇمكىندىگى شەكتەۋلى جاس سپورتشىلارى جۇلدەلى ورىندارعا يە بولدى. ولاردىڭ ىشىندە: ساموحۆالوۆ مويسەي، كيسامەدين دانا جانە تولستۋحين زاحار.
بۇل ورتالىق الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ ۆەدومستۆوسىندا ورنالاسقان، كۇندىزگى جانە ۇيدە ارنايى الەۋمەتتىك قىزمەتتەر كورسەتەدى. قىزمەت كورسەتىلگەن 240 ادامنىڭ ىشىندە مۇگەدەكتىگى بار بالالار (پسيحونيەۆرولوگيالىق پاتولوگيالار جانە تىرەك-قيمىل اپپاراتىنىڭ 1،5 جاستان 18 جاسقا دەيىنگى بۇزىلىستارى)، سونىمەن قاتار، پسيحونيەۆرولوگيالىق اۋرۋلارى بار كامەلەتكە تولعان ازاماتتار بار. ولاردى سپورتقا تارتۋ، الەۋمەتتەنۋگە جانە قوعامعا بەيىمدەۋگە كومەكتەسۋ جانە وسىنداي جارىستار وتكىزىلەدى. بۇل «ايالا الەۋمەتتىك قىزمەتتەر ورتالىعى» كمم، الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسى مەن اقىل-ەسى كەم ادامدارعا ارنالعان سپورت ۇيىمى – «سپەشيال وليمپيكس قازاقستان» قب اراسىنداعى ءوزارا ىنتىماقتاستىق تۋرالى مەموراندۋم نەگىزىندە قولعا الىنعان.
«سپەشيال وليمپيكس» تۋرنيرىنە 6 كوماندا قاتىستى. «ايالا» ورتالىعىنىڭ كومانداسىنان باسقا، زياتكەرلىك دامۋ كەمىستىگى بار بالالارعا ارنالعان №7 تۇزەتۋ مەكتەپ-ينتەرناتىنىڭ 3 كومانداسى جانە «الاتاۋ» ورتالىعى مەن «سەنىم» ورتالىعىنىڭ كوماندالارى بولدى. قاتىسۋشىلاردىڭ جاسى 14 پەن 35 جاس ارالىعى.
ورتالىق ديرەكتورى نۇرعايىم دۇيسەنبايەۆانىڭ ايتۋىنشا، سپورت-دەنساۋلىقتى نىعايتۋ، دەنەنىڭ فيزيكالىق جاعدايىن جاقسارتۋ، سونىمەن قاتار كوپتەگەن قىزمەت الۋشىلاردىڭ پسيحيكالىق دەنساۋلىعىن جاقسارتۋ.
«جارىسقا قاتىسۋ مازاسىزدىقتىڭ ازايۋىنا وڭ اسەر ەتەدى، سونىمەن قاتار قالىپتى تۇراقتى جاتتىعۋلار كونسەنتراسيانى جاقسارتادى. قان اينالىمىنىڭ جاقسارۋى ميدىڭ جۇمىسىنا جاقسى اسەر ەتەدى. كوماندالىق ويىندارعا قاتىسۋ ارقىلى بالا كۇندەلىكتى ومىردە ماڭىزدى، سونىمەن قاتار دەنساۋلىق پەن پسيحولوگيالىق جاعدايعا جاعىمدى اسەر ەتەتىن داعدىلارعا يە بولادى. سپورت كەزىندە بالالاردا بۇلشىقەتتەر كۇشەيىپ، بۋىندار مەن سىڭىرلەر قاتايادى. مۇنداي جارىستار بالالارعا ەمپاتيا قابىلەتىن دامىتۋعا، قارسىلاستارىنا قۇرمەتپەن قاراۋعا كومەكتەسەدى. بالالار كوماندادا جۇمىس ىستەۋدى، تاباندى جانە جىگەرلى بولۋدى ۇيرەنەدى. جارىستارداعى قويىلىمدار زەيىندى ارتتىرىپ، قوبالجۋدى جەڭۋگە كومەكتەسەدى. شىن مانىندە، فيزيكالىق بەلسەندىلىك كوگنيتيۆتى ونىمدىلىكتى جاقسارتادى، كوپتەگەن اۋرۋدىڭ ءقاۋپىن ازايتادى، ۇيقى مەن كوڭىل-كۇيدى جاقسارتادى جانە ءوزىن-وزى باعالاۋدى ارتتىرادى»، - دەدى ول.
ورتالىق تاربيەلەنۋشىلەرى ءجۇزۋ، بوۋلينگ جارىستارىنا رەسپۋبليكا بويىنشا ءتۇرلى قالالارعا بىرنەشە رەت بارعانىن اتاپ ءوتتى. مىسالى، جازدا اقتوبە قالاسىنا جۇزۋدەن جارىسقا، سونداي-اق شىمكەنتكە بوۋلينگتەن جارىسقا بارىپ، ەكى رەت جۇلدەلى ورىندارعا يە بولدى.
«جاقىندا ولار رەسپۋبليكا كۇنىنە ارنالعان الماتى قالاسى سپورت باسقارماسىنىڭ «مۇمكىندىگى شەكتەۋلى جاندارعا ارنالعان» الماتى سپورت كلۋبىنىڭ ءجۇزۋ بويىنشا قالالىق تۋرنيرىنە قاتىستى. سونداي-اق، بادمينتوننان قالالىق تۋرنيرلەرگە جانە senicup شاعىن فۋتبولدان حالىقارالىق تۋرنيرگە بىرنەشە رەت قاتىستى»،-دەدى نۇرعايىم دۇيسەنبايەۆا.
2011 جىلدان بەرى ورتالىققا كەلگەن جارىسقا قاتىسۋشىلاردىڭ ءبىرى اندرەي سنەگيريەۆتىڭ ايتۋىنشا، كەز كەلگەن ارەكەت سەنىمدىلىك پەن باتىلدىق بەرەدى.
«ەگەر اركىم دەنە شىنىقتىرۋمەن اينالىسسا، قانداي دا ءبىر سپورتپەن شۇعىلدانسا، وندا ءبارىمىز جەتىستىككە جەتەمىز. ەگەر ءسىز ءوزىڭىزدى سپورتتا تاپساڭىز، جارىستارعا قاتىسساڭىز، وندا ومىردە ءبارى وڭايىراق بولادى. ءبىراق ناتيجە تۋرالى الاڭداۋدىڭ قاجەتى جوق. مەن ءۇشىن ەڭ باستىسى – قاتىسۋ»، - دەدى ول.
ايتا كەتۋ كەرەك، مۇمكىندىگى شەكتەۋلى بالالاردى سپورتتىق ومىرگە كوبىرەك باۋلۋ ءۇشىن بۇگىنگى تاڭدا «ايالا الەۋمەتتىك قىزمەتتەر ورتالىعى» «سپورتتاعى دارىندى بالالارعا ارنالعان مامانداندىرىلعان مەكتەپ-ينتەرنات-كوللەدجىمەن» ىنتىماقتاستىق تۋرالى مەموراندۋمعا قول قويدى. ونىڭ بازاسىندا ورتالىقتىڭ بالالارى مۇز ايدىنى مەن فۋتبول الاڭىنا بارادى، وندا اپتا سايىن 2 ساعات جاتتىعادى.