بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ الماتى قالاسى بويىنشا فيليالىنىڭ ديرەكتورى ايگەرىم ءابىلوۆا ءمالىم ەتتى.
ەسكە سالىپ وتسەك، قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسى - مەملەكەتتىك قىزمەتشىلەردىڭ دايارلاۋىن، قايتا دايارلاۋىن جانە ولاردىڭ بىلىكتىلىگىن ارتتىراتىن ەرەكشە مارتەبەسى بار جوعارى وقۋ ورنى بولىپ تابىلادى، دەپ حابارلايدى اlmaty-akshamy.kz.
2023 جىلدىڭ قاراشا ايىندا الماتى قالاسى بويىنشا مەملەكەتتىك قىزمەت ىستەرى دەپارتامەنتىمەن بىرلەسىپ جاس تالانتتاردى مەملەكەتتىك قىزمەتكە تارتۋعا باعىتتالعان «جاس مەملەكەتتىك قىزمەتشىلەر مەكتەبى» اتتى كەزەكتى جوبا ىسكە قوسىلدى. جوبا كەلەسى جىلدىڭ مامىر ايىنا دەيىن جۇزەگە اسىرىلادى.
«جوبا اياسىندا 2024 جىلدىڭ قاڭتارىندا ستۋدەنتتەر فيليال بازاسىندا ءبىر اپتالىق وقىتۋدان وتەدى. وقىتۋ اياسىندا جاس تالانتتار جوبالىق باسقارۋدىڭ نەگىزدەرى جانە جوبانى ازىرلەۋ، ونى قورعاۋ، ءتيىمدى كوممۋنيكاسيالار، پراكتيكالىق اناليتيكا جانە ت.ب. داعدىلارىن مەڭگەرىپ، مەملەكەتتىك قىزمەتتەگى پراكتيكالىق كەيستەردى تالدايدى دەپ جوسپارلانۋدا»، - دەدى ا. ءابىلوۆا.
قۇجاتتاردى قابىلداۋ جىل سايىن تامىز-قىركۇيەك ايلارىندا جۇرگىزىلەدى، وقۋدىڭ ءوزى قازان ايىندا باستالادى. بيىل جوبا قاراشا ايىندا باستالدى. جوباعا نارحوز، تۇران، اتۋ، ءقازۇۋ-نىڭ «مەملەكەتتىك باسقارۋ» ماماندىعىنىڭ سوڭعى كۋرس ستۋدەنتتەرى قاتىسا الادى.
اكادەميانىڭ نەگىزگى قىزمەتى مەملەكەتتىك قىزمەتتە كادرلار دايارلاۋعا، قايتا دايارلاۋعا جانە بىلىكتىلىگىن ارتتىرۋعا باعىتتالعان.
«مەملەكەتتىك قىزمەتشىلەردەن باسقا ۇمىتكەرلەر، ياعني كۆازيسەكتور مەن جەكە سەكتورداعى ۇمىتكەرلەر ارنايى «مەملەكەتتىك باسقارۋ» جانە «وڭىرلىك دامۋ» ءبىر جىلدىق مودۋلدىك باعدارلامالارى بويىنشا وقۋعا تاپسىرۋ مۇمكىندىگى بار ەكەنىن دە ەسكە سالعىم كەلەدى» – دەپ قوستى ا.ءابىلوۆا.
سونىمەن قاتار، بيىل مەملەكەتتىك قىزمەتشىلەردى دايارلاۋعا قاتىستى زاڭنامالىق اكتىلەرگە ءبىرقاتار ماڭىزدى وزگەرىستەر ەنگىزىلدى.
مىسالى، اكادەميادا مەملەكەتتىك تاپسىرىس بويىنشا B+ (GPA 3،33) دەڭگەيىنەن تومەن ەمەس وقۋ ناتيجەسىمەن وقۋىن بىتىرگەندەر وقۋدى بىتىرگەننەن كەيىن ءبىر جىل ىشىندە جەرگىلىكتى اتقارۋشى ورگانداردا، ءماسليحاتتار اپپاراتتارىندا، ريەۆيزيالىق كوميسسيالاردا، ورتالىق مەملەكەتتىك ورگانداردىڭ جانە ولاردىڭ ۆەدومستۆولارىنىڭ اۋماقتىق بولىمشەلەرىندە (استانا مەن ونىڭ اۋداندارىنداعى جەرگىلىكتى اتقارۋشى ورگانداردان، ءماسليحات اپپاراتىنان، ريەۆيزيالىق كوميسسيالاردان، ورتالىق مەملەكەتتىك ورگاندار مەن ولاردىڭ ۆەدومستۆولارىنىڭ اۋماقتىق بولىمشەلەرىنەن باسقا) «ب» كورپۋسىنىڭ مەملەكەتتىك اكىمشىلىك لاۋازىمدارىنا ورنالاسا الادى.
ودان وزگە، جوعارى وقۋ ورىندارىندا جوعارى وقۋ ورنىنان كەيىنگى ءبىلىم بەرۋ باعدارلامالارى بويىنشا مەملەكەتتىك ءبىلىم بەرۋ تاپسىرىسى نەگىزىندە بۇرىن ءبىلىم العان مەملەكەتتىك قىزمەتشىلەر مەملەكەتتىك ءبىلىم بەرۋ تاپسىرىسى بويىنشا اكادەميانىڭ ماگيستراتۋراسىنا نەمەسە دوكتورانتۋراسىنا قايتا وقۋعا تۇسە الادى
سپيكەر اتاپ وتكەندەي، 2023 جىلى فيليالدا 795 مەملەكەتتىك قىزمەتشى وقىتىلدى. بىلىكتىلىكتى ارتتىرۋ سەمينارلارىندا 531 مەملەكەتتىك قىزمەتشى، ونىڭ ىشىندە 253 ورتالىق مەملەكەتتىك ورگانداردىڭ اۋماقتىق دەپارتامەنتتەرىنەن جانە 278 جەرگىلىكتى اتقارۋشى ورگانداردىڭ مەملەكەتتىك قىزمەتشىلەرى وقىتىلدى. قايتا دايارلاۋ كۋرستارىندا 264 مەملەكەتتىك قىزمەتشى، اتاپ ايتقاندا 126 جەرگىلىكتى اتقارۋشى ورگان، ورتالىق مەملەكەتتىك ورگانداردىڭ اۋماقتىق دەپارتامەنتتەرىنىڭ 138 مەملەكەتتىك قىزمەتشىسى وقىتىلدى.
سونداي-اق بيىل قازان ايىندا ءماسليحات دەپۋتاتتارىنىڭ كاسىبي قۇزىرەتتىلىگى مەن پراكتيكالىق داعدىلارىنىڭ دەڭگەيىن ارتتىرۋ ماقساتىندا فيليالدا “ءماسليحاتتاردىڭ ءرولى مەن الەۋەتىن كۇشەيتۋدىڭ زاماناۋي تاسىلدەرى” تاقىرىبىندا بىلىكتىلىكتى ارتتىرۋ سەمينارى وتكىزىلىپ، وندا الماتى قالاسى ءماسليحاتىنىڭ 28 دەپۋتاتى وقىتىلدى.
«اقپان ايىندا الماتى قالاسىنىڭ اۋماقتىق سايلاۋ كوميسسياسىمەن بىرلەسىپ سايلاۋ كوميسسيالارىنىڭ ءتوراعالارى مەن مۇشەلەرى ءۇشىن "قازاقستان رەسپۋبليكاسىنداعى سايلاۋ پروسەسى: تەوريا جانە پراكتيكا" تاقىرىبىندا 3 وقىتۋ سەمينارى وتكىزىلىپ، وندا 61 ادام وقىتىلدى»، - دەپ اتاپ ءوتتى اكادەميا فيليالىنىڭ ديرەكتورى.
2023 جىلى بارلىعى 11 قايتا دايارلاۋ كۋرسى جانە 32 بىلىكتىلىكتى ارتتىرۋ سەمينارى وتكىزىلىپ، بارلىعى 903 ادام وقىتىلدى، ونىڭ ىشىندە 639 – بىلىكتىلىكتى ارتتىرۋ سەمينارلارىنان وتسە، 264 مەملەكەتتىك قىزمەتشى قايتا دايارلاۋدان ءوتتى.