الماتى وبلىسى قونايەۆ قالاسىنداعى رەسپۋبليكالىق «بالداۋرەن» وقۋ-ساۋىقتىرۋ ورتالىعىندا جاس گەولوگتاردىڭ I رەسپۋبليكالىق دالا وليمپياداسىنىڭ اشىلۋ سالتاناتى ءوتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ءىس-شارانى يندۋستريا جانە ينفراقۇرىلىمدىق دامۋ مينيسترلىگىنىڭ گەولوگيا كوميتەتى، «Kazakhmys Barlau» ج ش س جانە «جاس گەولوگ» كورپوراتيۆتىك قورى، سونداي-اق الماتى وبلىسىنىڭ اكىمدىگى، Kazakhmys كورپوراسياسى، «ERG» ج ش س، Kazzinc» ج ش س ۇيىمداستىرعان.
وليمپيادانىڭ ماقساتى – جاستاردىڭ گەولوگيا عىلىمىنا قىزىعۋشىلىعىن ارتتىرۋ، دارىندى بالالاردى انىقتاپ، قولداۋ كورسەتۋ. سونىمەن قاتار وقۋشىلاردى ەلدەگى گەوەكولوگيا جانە تابيعي قازبالاردى قورعاۋ پروبلەماسىنا نازار اۋدارتۋ، وتانسۇيگىشتىككە باۋلۋ.
يندۋستريا جانە ينفراقۇرىلىمدىق دامۋ مينيسترلىگى باسپا ءسوز قىزمەتىنىڭ مالىمەتىنشە، وليمپياداعا قازاقستاننىڭ بارلىق تۇكپىرىنەن 16 كوماندا مەن 200-دەن اسا بالا قاتىسىپ جاتىر. ولار – 9-11 سىنىپ وقۋشىلارى. قاتىسۋشىلار پالەونتولوگيا، گيدرولوگيا، راديومەتريا، مينەرالوگيا جانە پەتروگرافيا، پايدالى قازبالار گەولوگياسى سالالارى بويىنشا بىلىمدەرىن سىنايدى. جەڭىمپاز كوماندالار گراموتاما، مەدال جانە باعالى سىيلىقتارمەن ماراپاتتالادى.
«گەولوگياعا دەگەن قىزىعۋشىلىق تەك عىلىم رەتىندە ەمەس، سونداي-اق ەكونوميكانىڭ ماڭىزدى سالاسى رەتىندە قاراستىرىلىپ، جاس بالالار ءۇشىن جەتىستىكتەرگە جەتىپ، عىلىمي جاڭالىقتار اشۋعا ستيمۋل بولۋى ءتيىس. بۇل وليمپيادا ءداستۇرلى تۇردە ءوتىپ، جىلدان-جىلعا جاس گەولوگتار سانىن كوبەيتۋگە سەپ بولادى»، - دەدى «جاس گەولوگ» كق قامقورشىلىق كەڭەسىنىڭ ءتوراعاسى عالىم نۇرجانوۆ.
مۇنىمەن قوسا، جەكە ەسەپتەگى جەڭىمپازدار Satbayev University، قازاقستان-بريتان تەحنيكالىق ۋنيۆەرسيتەتى جانە سافي ۋتەبايەۆ اتىنداعى مۇناي جانە گاز اتىراۋ ۋنيۆەرسيتەتىڭ گەولوگيالىق ماماندىقتارىنا گرانت ۇتىپ الۋ مۇمكىندىگىنە يە بولماق.