«TARTYL FEST» رەسپۋبليكالىق سپورت فەستيۆالىنىڭ قاتىسۋشىلارىنىڭ كوڭىل كۇيى تاماشا. ۇيىمداستىرۋشىلارعا ەرەكشە العىسىن بىلدىرۋدە. سونداي-اق سپورتتىق شارالاردىڭ كوبىرەك ۇيىمداستىرىلۋى تۇرعىنداردىڭ دا دەنساۋلىعىنا پايداسىن تيگىزەتىنىن اتاپ ءوتتى.
«يدەيا – نۇرلان قويانبايەۆ اعامىزدىكى. بىزدە بۇل باستاماعا قولداۋ ءبىلدىرىپ الەۋمەتتىك جەلىدە ماڭىزىن، قالا تۇرعىندارىنا پايدالى تۇستارىن ناسيحاتتاعان ەدىك. قاراپ وتىرساڭىزدار جارىسقا ۇزاق دايىندىق، ارنايى باپكەردىڭ دە قاجەتى جوق. سول سەبەپتەن وسى سپورت ءتۇرىن رەسپۋبليكالىق دەڭگەيدە ۇيىمداستىرۋدى ءجون سانادىق. ءتىپتى جاس ارالىعىندا دا شەكتەۋ جوق. جارىسقا قاتىسۋشىلاردىڭ ەڭ كىشكەنتايى 5 جاستا بولسا، ۇلكەنى 70ء-تى القامداعان اعالارىمىز بار. ءبىرىنشى رەت ۇيىمداستىرىلىپ وتىرسا دا 500-دەن استام ادام ونلاين، وففلاين فورماتتا تىركەلگەن. الداعى ۋاقىتتا ەلىمىزدىڭ 20 قالاسىندا وسى ءىس-شارانى ۇيىمداستىرۋدى قولعا الماقپىز. قورىتىندىلاي كەلسەك، 60 مىڭعا جۋىق ادام قاتىسادى دەپ جوسپارلانۋدا»،–دەيدى ۇيىمداستىرۋشى، «Rin'Go» توبىنىڭىڭ ءانشىسى ايان بىربايەۆ.
جارىسقا قىزىقاندارى سونشالىقتى 8 جاسار بالاسىن ەرتىپ كەلەگەن اتا-انالاردى دا كوزىمىز شالدى.
«فەستيلدىڭ وتەتىنىن كەشە عانا ەستىدىك. قايتا تىركەلىپ ۇلگەردىك. بالاممەن سپورتپەن اينالىسىپ جۇرگەندىكتەن وعان سەنىمدى بولدىم. 19 رەت تارتىلدى. بۇل دا جامان كورسەتكىش ەمەس. الداعى ۋاقىتتا تۋرنيككە تارتىلىپ جاتتىعاتىن بولامىز. ۇلىما دا وزىمە دە بۇگىنگى سپورتتىق شارا كوڭىلىمىزدەن شىقتى. بۇل بارشا قالا تۇرعىندارىنا سپورتپەن اينالىسۋدىڭ قاجەت ەكەنىن ۇعىندىرعانداي بولدى»،–دەيدى اتا-انا جاسۇلان دوسقايەۆ.