الماتى كۇنىنە وراي قالالىق ورتالىقتاندىرىلعان كىتاپحانا جۇيەسى قازاقستان جازۋشىلار وداعىمەن بىرلەسىپ، قالا اكىمدىگىنىڭ قولداۋىمەن «كوركەم قالا - الماتى» اتتى اقىندار ءمۇشايراسىن وتكىزەدى.
ءمۇشايرانى الماتى قالاسىنىڭ اكىمدىگى، الماتى قالاسى مادەنيەت باسقارماسىنىڭ قولداۋىمەن «الماتى قالاسى ورتالىقتاندىرىلعان كىتاپحانا جۇيەسى» كمم، قازاقستان جازۋشىلار وداعى، «تۇلعا-دوستىق» قوعامدىق قورى ۇيىمداستىرادى، دەپ حابارلايدى Almaty-akshamy.kz.
ءمۇشايرا جاس اقىندار شىعارماشىلىعىن قولداۋ جانە ادەبيەتتى دامىتۋ ماقساتىندا وتكىزىلەدى.
قاتىسۋعا نيەت بىلدىرگەن اقىندار ءۇشىن كەلەسى ەرەجەلەر بەكىتىلگەن:
- ءمۇشايراعا 16-40 جاس ارالىعىنداعى اقىندار قاتىسا الادى؛
- الماتى قالاسىن اسەرلى پوەتيكالىق تۇردە بەينەلەپ، ونىڭ وتكەنى، بۇگىنگى تىنىس-تىرشىلىگىن جانە كەلەشەگىن كورسەتۋ قاجەت؛
- ولەڭنىڭ كوركەمدىگىنە، تاقىرىپتى اشۋىنا، وي ۇشقىرلىعىنا باستى نازار اۋدارىلادى.
- الماتى قالاسى تۋرالى بۇرىن جاريالانباعان ءبىر ولەندى korkemkala_almaty@mail.ru ەلەكتروندى پوشتاسىنا جىبەرۋ؛
- ولەڭنىڭ كولەمى 3 بەتتەن اسپاي، ا-4 فورماتىندا Microsoft Word ماتىندىك رەداكتورىمەن «Times New Roman» 14 شريفت، جولارالىعى - 1.5 بولىپ تەرىلۋى ءتيىس؛
- قاتىسۋشىلار شىعارمالارىمەن قوسا جەكە كۋالىگىنىڭ كوشىرمەسى، قىسقاشا ءومىربايانى، 3ح4 ءتۇرلى-تۇستى سۋرەتتى، تۇرعىلىقتى مەكەنجايى، تەلەفون ءنومىرى جايلى مالىمەتتەردى جىبەرۋ كەرەك؛
- ۇمىتكەرلەردىڭ شىعارمالارى 2022 جىلدىڭ 18 قىركۇيەگىنە دەيىن قابىلدانادى؛
- ءىس-شارا 2022 جىلدىڭ 20 قىركۇيەگىندە قورىتىندىلانادى؛
- قازىلار القاسىنىڭ ساراپتاۋىنان وتكەن شىعارمالاردىڭ اۆتورلارى اقشالاي سىيلىقتارمەن ماراپاتتالادى.
ءمۇشايرانىڭ جۇلدە قورى:
- باس جۇلدە – 500 000 تەڭگە؛
- I - ورىن – 400 000 تەڭگە؛
- II - ورىن – 300 000 تەڭگە؛
- III - ورىن – 200 000 تەڭگە؛
- 1 قاتىسۋشىعا احمەت بايتۇرسىن ۇلى اتىنداعى ارنايى جۇلدە – 150 000 تەڭگە؛
- 6 قاتىسۋشىعا ىنتالاندىرۋ جۇلدەسى – 300 000 تەڭگە (ءار قاتىسۋشىعا 50 000 تەڭگەدەن).
جۇلدەگەرلەردى بەلگىلى تۇلعالاردان قۇرالعان قازىلار القاسى انىقتايدى.
جىر سايىسىنىڭ ەرەجەسى تۋرالى تولىق اقپارات الەۋمەتتىك جىلەلەر مەن ينتەرنەت-سايتتاردا جاريالانادى.
تولىق اقپاراتتى كەلەسى نومىرلەر بويىنشا الۋعا بولادى:
+7 (727) 279-33-15؛ +7 705 987-68-50.