الماتى قالاسىنىڭ تەرروريزمگە قارسى جەدەل شتابى ازاماتتارعا اۋەجايدا، اسىرەسە ۇشۋ الدىنداعى تەكسەرۋ راسىمدەرى مەن ۇشاققا وتىرعىزۋ كەزىندە ورىنسىز ازىلدەر مەن ايتىلىمداردىڭ جول بەرىلمەيتىنىن ەسكەرتەدى.
جۋىردا الماتى حالىقارالىق اۋەجايىندا وقىس وقيعا ورىن الدى، دەپ حابارلايدى aqshamnews.kz.
جاسوسپىرىمدەردىڭ ءبىرى قالجىڭداپ، دوسىنىڭ ريۋكزاگىندا جارىلعىش زات بار دەپ مالىمدەگەن. ناتيجەسىندە ۇشاق پەن بارلىق جولاۋشىلاردى تەكسەرۋ جوسپارى ىسكە قوسىلىپ، رەيس كەشىكتىرىلىپ، ۋاقىتشا ۇشۋ شەكتەۋلەرى ەنگىزىلدى.
مۇنداي سوزدەر، ءتىپتى قالجىڭ رەتىندە ايتىلعان كۇننىڭ وزىندە، قاۋىپسىزدىككە تونگەن ىقتيمال قاتەر رەتىندە قابىلدانىپ، مىندەتتى تۇردە تەكسەرىلەدى، ال كەيبىر جاعدايلاردا — قازاقستان رەسپۋبليكاسىنىڭ زاڭناماسىنا سايكەس جاۋاپكەرشىلىككە اكەپ سوعۋى مۇمكىن.
ازاماتتاردى جاۋاپكەرشىلىك تانىتىپ، تەكسەرۋ ايماعىندا جانە ۇشاق بورتىندا قاۋىپ-قاتەر، قارۋ-جاراق، جارىلعىش زاتتار جانە باسقا دا ءقاۋىپتى تاقىرىپتارعا قاتىستى سوزدەر مەن تىركەستەردى قولدانۋدان باس تارتۋعا شاقىرامىز.
مۇنداي «ازىلدەر» ورىنسىز جانە سالدارى وتە اۋىر بولۋى مۇمكىن.
وسىنى ءوسىپ كەلە جاتقان جاس ۇرپاققا ءتۇسىندىرۋ كەرەك جانە حالىق كوپ جينالاتىن ورىنداردا مىنەز-قۇلىقتى باسقارا بىلگەن ءجون.