جارناما جانە ماركەتينگ قىزمەتى قايتادان سۇرانىسقا يە بولا باستادى

ءبىر جىلدا قىزمەت كولەمى 64% وسكەن.

قازاقستاندا جارناما مەن ماركەتينگ قىزمەتىنە دەگەن سۇرانىس ارتىپ كەلەدى، دەپ حابارلايدى Almaty-akshamy.kz Ranking.kz cايتىنا سىلتەمە جاساپ.

ۇستىمىزدەگى جىلدىڭ ءۇش ايىندا جارناما جانە نارىقتى زەرتتەۋ سالاسىندا 72،1 ملرد تەڭگەگە قىزمەت كورسەتىلدى، بۇل وتكەن جىلمەن سالىستىرعاندا 70،2% كوپ بولىپ وتىر. ينفلياسياعا تۇزەتىلگەن ءوسۋ جىلىنا 63،9% قۇرادى.

انىقتاما ءۇشىن: وتكەن جىلدىڭ وسى ۋاقىتىمەن سالىستىراتىن بولساق، سەكتورداعى قىزمەت كولەمى الدىڭعى جىلمەن سالىستىرعاندا 9،4% -عا ازايىپ، 42،4 ملرد تەڭگەنى قۇراعان.

ايماقتار بويىنشا قارايتىن بولساق، جارناما جانە ماركەتينگ قىزمەتى كوپ جاعدايدا الماتىدا سۇرانىسقا يە بولىپ جاتادى. بۇل سۇرانس كولەمى  59،1 ملرد تەڭگەگە جەتىپ، كىرىس كورسەتكىشى 78،1% قۇرادى. الماتىنىڭ قازاقستان رەسپۋبليكاسىنان الاتىن ۇلەسى ءبىر جىل ىشىندە 78،4% -دان 82%-عا دەيىن وسكەن.

سونىمەن قاتار بۇل قىزمەت  نۇر-سۇلتان (7،6 ملرد. تەڭگە) جانە شىمكەنت (942 ملن.) قالالارىندا سۇرانىسقا ايتارلىقتاي يە.

بۇل سالا ماماندارىنىڭ قىزمەتى تۇركىستان وبلىسىندا ايتارلىقتاي سۇرانىسقا يە ەمەس، كورسەتىلگەن قىزمەت كولەمى نەبارى 62،1 ملن تەڭگەنى قۇرايدى.