جەتىسۋ وبلىسى پانفيلوۆ اۋدانىنداعى جاركەنت قالاسىندا تۋعان بالاسىن ۇرىپ-سوقتى دەگەن كۇدىككە ىلىنگەن ايەل سوت شەشىمىمەن ەكى ايعا قاماۋعا الىندى، دەپ حابارلايدى Aqshamnews.kz ءتىلشىسى.
اتالعان دەرەك بويىنشا ايەلگە قاتىستى قىلمىستىق كودەكستىڭ 110-بابىنىڭ 2-بولىگى، ياعني «ازاپتاۋ» بابىمەن قىلمىستىق ءىس قوزعالعان. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلىپ جاتىر.
جەتىسۋ وبلىستىق پوليسيا دەپارتامەنتىنىڭ مالىمەتىنشە، ءىس اياسىندا ءبىرقاتار سوت ساراپتاماسى تاعايىندالعان. ولاردىڭ قاتارىندا كۇدىكتىگە پسيحياتريالىق ساراپتاما جۇرگىزۋ دە قاراستىرىلعان.
«كۇدىكتى ەكى اي مەرزىمگە قاماۋعا الىندى. ساراپتامالاردىڭ قورىتىندىسى شىققاننان كەيىن تەرگەۋ اياقتالىپ، ايەلگە قاتىستى سوت وتىرىسى وتەدى»، – دەپ حابارلادى پوليسيا دەپارتامەنتى.