"قايرات" فۋتبول كلۋبىنىڭ باس باپكەرى رافاەل ۋرازباحتين جۇلدىزعا اينالعان قاقپاشى تەمىرلان اناربەكوۆتىڭ جاراقاتىنا قاتىستى سۇراققا جاۋاپ بەردى، - دەپ حابارلايدى اqshamnews.kz ءتىلشىسى. بۇل تۋرالى ول الماتى قالاسىنىڭ وڭىرلىك كوممۋنيكاسيالار قىزمەتىنىڭ باسپا ءسوز وتىرىسىندا جاۋاپ بەردى.
ۋرازباحتين اناربەكوۆتىڭ جاعدايى ازىرگە ءبىرقالىپتى ەكەنىن ايتتى.
"دارىگەرلەردىڭ مالىمەتىنشە، ءقازىر باستىسى - بەت ايماعىنداعى سۇيەكتەرگە، اسىرەسە جاق سۇيەگىنە ارتىق كۇش تۇسىرمەۋ. سوندىقتان ازىرگە تەمىرلانعا جاق سۇيەگىن اشاتىن ارەكەتتەر جاساۋعا رۇقسات بەرىلمەي وتىر. دەگەنمەن دارىگەرلەر جاعدايى ءبىرقالىپتى ەكەنىن اتاپ ءوتتى. قاجەتتى تەكسەرۋلەر مەن باقىلاۋدان كەيىن ول جاقىن ارادا جاتتىعۋىنا ورالۋى مۇمكىن. الدىن الا بولجام بويىنشا، 1–2 كۇندە سپورتتىق دايىندىقتى قايتا باستاۋعا رۇقسات بەرىلۋى ىقتيمال، ءبىراق بۇل شەشىم تولىق مەديسينالىق تەكسەرۋدىڭ ناتيجەسىنە بايلانىستى بولادى"، - دەدى باس باپكەر.
ەسكە سالايىق، تەمىرلان اناربەكوۆ قازاقستان پرەمەر ليگاسىنىڭ ىشكى ماچىندە "اقتوبە" فك قارسى ويىندا جاق سۇيەگىنەن جاراقات العان بولاتىن.