جاپونيانىڭ ورتالىق بولىگىندە بىرنەشە كۇشتى جەر سىلكىنىسى تىركەلدى. ەلدىڭ ۇلتتىق مەتەورولوگيالىق باسقارماسىنىڭ مالىمەتىنشە، يسيكاۆا جانە نييگاتا پرەفەكتۋرالارى ايماعىندا ماگنيتۋداسى 7،4-كە جەتەتىن جەر سىلكىنىسى بولدى، دەپ حابارلايدى almaty-akshamy.kz Kazinform اگەنتتىگىنە سىلتەمە جاساپ.
قازىرگى كەزدە قۇرباندار مەن قيراندىلار تۋرالى اقپارات جوق. الايدا ەلدىڭ بۇكىل باتىس جاعالاۋىندا سۋنامي ءقاۋپى جاريالاندى – تولقىن بيىكتىگى 5 مەترگە جەتۋى مۇمكىن.
جەرگىلىكتى تۇرعىنداردى دەرەۋ جاعالاۋ ايماعىن تاستاپ كەتۋگە نەمەسە عيماراتتاردىڭ شاتىرىنا شىعۋعا شاقىرىپ جاتىر.
سونىمەن بىرگە، وسى ساتتە رەسپۋبليكا بويىنشا كۇشتى جەر سىلكىنىسى تۋرالى ەسكەرتۋ جۇيەسى ءۇشىنشى رەت ىسكە قوسىلدى. جەرگىلىكتى تۇرعىنداردى جەراستى دۇمپۋىنە دايىندالۋعا شاقىردى.