ىندەت كۇنشىعىس ەلىن اۋرە ەتۋدە.
جاپونيا "وميكرون" شتامىنا بايلانىستى ەرتەڭنەن باستاپ شەتەلدىكتەردىڭ ەلگە كىرۋىن شەكتەيدى، دەپ حابارلايدى Almaty-akshamy.kz 24.kz-كە سىلتەمە جاساپ
بۇدان بولەك ۇكىمەت ءبىرقاتار ەلدەن ورالعان جاپوندىقتاردىڭ 10 كۇندىك كارانتيننەن ءوتۋى ءتيىس ەكەنىن جاريالادى. ونىڭ ىشىندە 9 افريكالىق ەلدەن بولەك جاڭا دەرت تىركەلگەن تاعى 14 مەملەكەت قوسىلعان.
پرەمەر-مينيستردىڭ مالىمدەۋىنشە، كۇنشىعىس ەلىندە ءالى ەشكىم جاڭا شتامدى جۇقتىرا قويماعان.
سوندىقتان بيلىك ىندەتتىڭ تارالۋىن بولدىرماس ءۇشىن وسىنداي ساقتىق شاراسىن قابىلداۋعا بارعان.
«شارا جاڭا شتامعا بايلانىستى بارلىق اقپار انىقتالمايىنشا، قولدانىلاتىن بولادى. عالىمدار قولدا بار ۆاكسينالاردىڭ جاڭا دەرتكە قارسى تيىمدىلىگىن انىقتاپ جاتىر»، - دەدى جاپونيا پرەمەر-مينيسترى فۋميو كيسيدا.