تايفۋن ايماعىندا جەلدىڭ ەكپىنى ساعاتىنا 234 شاقىرىمعا جەتەدى.
جەكسەنبىدە جاپونيانىڭ وڭتۇستىك بولىگىن تاريحتاعى ەڭ كۇشتى تايفۋنداردىڭ ءبىرى سوقتى. ونىڭ قۇرباندارى مەن اكەلگەن زالالى تۋرالى اقپارات ازىرگە جوق، دەپ حابارلايدى Almaty-akshamy.kz قازاقپاراتقا سىلتەمە جاساپ.
مەتەورولوگتار «نانمادول» دەپ اتاعان تايفۋن جەكسەنبى كۇنى كەشكە (ەۋروپادا تاڭەرتەڭ) جاپونيانىڭ ءتورت نەگىزگى ارالدارىنىڭ وڭتۇستىگىندە كاگوسيما قالاسىنىڭ جانىندا، كيۋسيۋدە قۇرلىققا شىققان.
تايفۋن ايماعىندا جەلدىڭ ەكپىنى ساعاتىنا 234 شاقىرىمعا جەتەدى (سەكۋندىنا 65 مەتر). جاپونيانىڭ مەتەورولوگيالىق قىزمەتىنىڭ باعالاۋى بويىنشا، ءبىر تاۋلىكتەن از ۋاقىت ىشىندە كەيبىر جەرلەردە 500 مم-گە جۋىق جاۋىن-شاشىن ءتۇستى. لوندوندا نەمەسە ماسكەۋدە، مىسالى، ورتا ەسەپپەن جىلىنا ءسال كوبىرەك - 600-700 مم تۇسەدى.
مۇنداي بۇرىن-سوڭدى بولماعان نوسەر سۋ تاسقىنىنا، سەلگە جانە كوشكىنگە ءقاۋىپ ءتوندىرىپ وتىر. بيلىك ءتورت ميلليونعا جۋىق ادامدى ءقاۋىپسىز جەرگە ەۆاكۋاسيالاۋعا شاقىردى (ارالدا بارلىعى 13 ميلليون ادام تۇرادى). كيۋسيۋگە پويىزدار، پارومدار جانە اۋە قاتىناسى توقتاتىلدى.
تايفۋن كەلگەننەن كەيىن كوپ ۇزاماي ارالدا 200 مىڭعا جۋىق ءۇي جارىقسىز قالدى.