جاپوندىق N-Ark ستارتاپى مۇحيتتا Dogen City دەپ اتالاتىن الىپ قالقىمالى قالا قۇرۋ جوسپارىن جاريالادى، دەپ حابارلايدى Almaty-akshamy.kz Robb Report باسىلىمىنا سىلتەمە جاساپ.
قالانى سۋناميدەن قورعاۋ ءۇشىن ساقينا تۇرىندە جوبالاناتىن بولادى جانە ونىڭ ماقساتى - تۇرعىنداردى وزىق مەديسينالىق قىزمەتتەرمەن، فۋتۋريستىك روبوتتىق حيرۋرگيامەن جانە ازىق-تۇلىك ءوندىرىسى مەن جاڭارتىلاتىن ەنەرگيا ءوندىرۋ ارقىلى ءوزىن-وزى تولىق قامتاماسىز ەتۋ.
وندا ءتىپتى عارىش اپپاراتتارىن ۇشىرۋ الاڭداردى دا قاراستىرىلعان.
ستارتاپ جوبا قۇپياسىن اشتى - Dogen City ءۇش قاباتتان تۇرادى، ول «سالالار» دەپ اتالادى، ولاردىڭ ءارقايسىسىنىڭ ءوز ماقساتى بار.
بىرىنشىدەن، بۇل ءومىر سۇرۋگە جارامدى، ءوزىن-وزى قامتاماسىز ەتەتىن تەڭىز اۋىلى، وندا تىكەلەي تۇرعىن ءۇي ورنالاسادى.
سودان كەيىن تابيعي تۇردە مۇحيتپەن سالقىنداتىلاتىن سۋ استىنداعى دەرەكتەر ورتالىعى ەنەرگيا شىعىنىن ازايتادى.
سوڭعى قاباتى SpaceX-پەن بايلانىستى بولادى جانە زىمىرانداردىڭ ۇشۋ جانە قونۋ الاڭىنا اينالادى.
ازىق-تۇلىككە كەلەر بولساق، فۋنكسيونالدى ينگرەديەنتتەر مەن داقىلدار قورەكتىك زاتتاردىڭ كوزى رەتىندە تەڭىز سۋىن پايدالاناتىن يننوۆاسيالىق ءوسىرۋ تەحنولوگياسىن قولدانا وتىرىپ، جەرگىلىكتى جەردە وسىرىلەتىن بولادى.
جوبا جىلىنا شامامەن 7 000 توننا ازىق-تۇلىك جانە 22 265 000 كۆت ەلەكتر ەنەرگياسىن وندىرەدى.