قازاقستاندىق تاەكۆوندوشى الەمدىك رەيتينگتە كوش باستادى
قازاقستاندىق تاەكۆوندوشى جانسەل دەنيز جاڭارتىلعان الەمدىك رەيتينگتە كوش باسىنا كوتەرىلدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
بۇل قازاقستان تاەكۆوندوسى تاريحىندا تۇڭعىش رەت بولىپ وتىر.
ايەلدەر اراسىندا 73 كەلىگە دەيىنگى سالماقتا دەنيز 139.81 بالمەن ءبىرىنشى ورىندا كەلەدى. رەسەيلىك پولينا حان (107.94) ەكىنشى، وڭتۇستىككورەيالىق دا بين لي (105.60) ءۇشىنشى ساتىدا. جانسەل بۇرىنعى نۇسقادا ءتورتىنشى ورىندا ەدى.
ءوز سپورتتىق جولىندا دەنيز 2017 جىلى تايبەيدە جازعى ۋنيۆەرسيادادا جانە 2018 جىلى دجاكارتادا (يندونەزيا) وتكەن ازيا ويىندارىندا كۇمىس مەدالعا قول جەتكىزدى. سونداي-اق ول – ءتۇرلى حالىقارالىق تۋرنيرلەردىڭ چەمپيونى ءھام جۇلدەگەرى.
«مەنىڭ ارمانىم الىستا بولىپ كورىنگەنىمەن، ول ورىندالدى. مەن بۇگىن شىققان جاڭارتىلعان الەمدىك رەيتينگتە ءبىرىنشى ورىنعا يە بولدىم. بۇل قازاقستان تاەكۆوندوسى تاريحىندا العاش رەت بولىپ وتىر. مەن جالعىز جاناشىرىم – اناما العىس ايتقىم كەلەدى. وكىنىشكە قاراي، جولىمدا جەڭىلىستەر، ساتقىندىق، الداۋ دا از بولعان جوق. ءبىراق، اللاعا شۇكىر، مەن وسىندامىن. قۋانىشىمدى بولىسكەندەردىڭ بارىنە راحمەت! سونداي-اق بارلىق مۇسىلمان قاۋىمىن قاسيەتتى رامازان ايىنىڭ باستالۋىمەن قۇتتىقتايمىن. دۇعا-تىلەكتەرىڭىز قابىل بولسىن!