پرەزيدەنت توقايەۆ بۇل ۇسىنىستى قۇپتادى.
حالىقارالىق شاحمات شەبەرى جانسايا ابدىمالىك پرەزيدەنت قاسىم-جومارت توقايەۆپەن كەزدەسۋ بارىسىندا قازاقستانداعى شاحماتتى دامىتۋعا باعىتتالعان ۇسىنىس ايتتى، دەپ حابارلايدى Almaty-akshamy.kz Egemen.kz سىلتەمە جاساپ.
«مەن ەلىمىزدە شاحماتتى دامىتۋعا باعىتتالعان بىرنەشە ۇسىنىس دايىندادىم. مەنىڭ ويىمشا، وسى ۇسىنىستار ەلدە شاحماتتى العا وزدىرىپ، قوردالانعان ماسەلەلەردى شەشۋدىڭ نەگىزگى جولى بولا الادى. ءقازىر بىزدە جۇيەلى مەملەكەتتىك قولداۋ جوق. مەن ەلىمىزدە شاحمات پەن اقپاراتتىق تەحنولوگيالاردى تەرەڭدەتىپ وقىتاتىن مەكتەپ-ينتەرنات سالۋ كەرەك دەپ ەسەپتەيمىن. بۇل ماسەلە الماتى قالاسىنىڭ اكىمىمەن كەزدەسۋدە دە تالقىلاندى»، - دەدى شاحماتشى.
ونىڭ ايتۋىنشا، بۇنداي مەكتەپتە ەلدىڭ ءار تۇكپىرىنەن جينالعان بالالار وقي الادى.
«ءبىز ەڭ تالانتتى بالالاردى ىرىكتەپ الامىز. ول جەردە 1500-دەن استام بالا وقيدى. ونىڭ 300ء-ى شاحمات پەن ءىت-سالانى تەرەڭدەتىپ وقىتاتىن ينتەرناتتان ءبىلىم الادى. نەگە ءىت-سالانى قوستىق دەگەنگە كەلسەك، ءتۇرلى ەكسپەريمەنتتەر جۇرگىزىلگەن. ءتۇرلى عىلىمي باياندامالار دا بار. شاحماتشىنىڭ ويلاۋ قابىلەتى ءىت-ماماننىڭ ويلاۋىمەن بىردەي. ءبىز 5 سىنىپتان باستاپ ءدال وسىنداي عىلىمي باعدارلاۋ ءتاسىلىن ەنگىزبەكشىمىز. سول ارقىلى سالانى دامىتۋعا بولادى»، - دەدى جانسايا ابدىمالىك.
ايتا كەتسەك، مەملەكەت باسشىسى قاسىم-جومارت توقايەۆ بۇل ۇسىنىستى قۇپتادى.