جانىبەكتىڭ كەزدەسۋى كەيىنگە قالدىرىلدى

بوكس كەشى 15 قاڭتاردا وتپەيتىن بولدى

اندرادە مەن ءالىمحان ۇلى اراسىنداعى جەكپە-جەكتىڭ پروموۋتەرلىك ساۋداسى كەيىنگە شەگەرىلدى، دەپ حابارلايدى Almaty-akshamy.kz رrosports.kz-كە سىلتەمە جاساپ

Boxingscene.com سايتىنىڭ حابارلاۋىنشا، ورتا سالماقتاعى WBO چەمپيونى امەريكالىق دەمەتريۋس اندرادە (31-0، 19 كو) مەن مىندەتتى قارسىلاسى قازاقستاندىق جانىبەك ءالىمحان ۇلى (11-0، 7 كو) اراسىنداعى جەكپە-جەككە پروموۋتەرلىك ساۋدا كەيىنگە شەگەرىلدى.

كەزدەسۋگە ارنالعان اۋكسيون بۇكىلالەمدىك بوكس ۇيىمىنىڭ باس وفيسىندە 14 قاڭتاردا وتەدى دەپ جوسپارلانعان، ءبىراق ەكى تاراپتىڭ ءوتىنىشى بويىنشا ءىس-شارا 20 قاڭتارعا اۋىستىرىلدى.

ەسكە سالا كەتەيىك، ءالىمحان ۇلى اندرادەگە مىندەتتى قارسىلاس رەتىندە 30 قاراشادا بەكىتىلدى. وعان دەيىن ەكى بوكسشى دا نوكاۋتپەن جەڭىسكە جەتكەن بولاتىن. 

اتاپ ايتقاندا، اندرادە يرلانديالىق دجەيسون كۋيگليدى ەكىنشى راۋندتا نوكاۋتقا ءتۇسىردى. ال جانىبەك ءالىمحان ۇلى 2021 جىلى ەكى جەكپە-جەك وتكىزدى.

ماۋسىم ايىندا امەريكالىق بوكسشى روب برۋنتتى (26-3، 18 كو) سەگىزىنشى راۋندتا جەڭسە، قاراشادا فرانسۋز حاسسان ندام نجيكاممەن (38-6، 21 كو) جۇدىرىقتاسىپ، ونى دا سەگىزىنشى راۋندتا نوكاۋتقا جىبەردى.