جانىبەك ءالىمحان ۇلىنىڭ جەكپە-جەگىن تىكەلەي ەفيردە كورسەتەدى

ءالىمحان ۇلى – بەنتلي ايقاسى جەكسەنبى، 13 قاراشا كۇنى تاڭەرتەڭ وتەدى

WBO نۇسقاسى بويىنشا ورتا سالماقتاعى الەم چەمپيونى جانىبەك ءالىمحان ۇلىنىڭ (12-0، 8كو) بريتانيالىق دەنزەل بەنتليگە (17-1-1، 14كو) قارسى جەكپە-جەگىن قازاقستاندىقتار تىكەلەي ەفيردەن كورە الادى، دەپ حابارلايدى Almaty-akshamy.kz قازاقپاراتقا سىلتەمە جاساپ.

ءالىمحان ۇلى – بەنتلي ايقاسى جەكسەنبى، 13 قاراشا كۇنى تاڭەرتەڭ وتەدى. تىكەلەي كورسەتىلىم «حابار» ارناسىندا استانا ۋاقىتىمەن ساعات 08.00-دە باستالادى»، - دەلىنگەن Instagram-داعى «قازاقستاننىڭ كاسىپقوي بوكسى» پاراقشاسىندا.

ەسكە سالايىق، «Qazaq Style» لاقاپ اتىمەن تانىمال جانىبەك ءالىمحان ۇلى بيىلعى 22 مامىردا بريتانيالىق دەنني ديگنۋمدى (14-0-1، 8 كو) ەكىنشى راۋندتا نوكاۋتقا ءتۇسىرىپ، WBO نۇسقاسى بويىنشا ورتا سالماقتا «ۋاقىتشا» چەمپيون اتانعان ەدى.

كەيىن امەريكا بوكسشىسى دەمەتريۋس اندرادە ج.الىمحانۇلىمەن مىندەتتى جەكپە-جەكتەن باس تارتتى. وسىعان بايلانىستى، قازاقستاندىق بوكسشىعا WBO نۇسقاسى بويىنشا ورتا سالماقتاعى تولىق قۇقىلى الەم چەمپيونى مارتەبەسى بەرىلدى.

بوكسشىنى ق ر پرەزيدەنتى قاسىم-جومارت توقايەۆ قۇتتىقتادى.
ال 3 قازان كۇنى Top Rank پروموۋتەرلىك كومپانياسى ج.ءالىمحان ۇلى – د.بەنتلي جەكپە-جەگىن رەسمي تۇردە جاريالادى.