22 مامىردا لاس-ۆەگاستا قازاقستاندىق بوكسشى جانىبەك ءالىمحان ۇلى (11-0، 7 كو) بريتاندىق دەنني ديگنۋممەن (14-0-1، 8 كو) WBO نۇسقاسى بويىنشا ورتا سالماقتاعى «ۋاقىتشا» الەم چەمپيونى اتاعى ءۇشىن جۇدىرىقتاسادى. بۇل تۋرالى Almaty-akshamy.kz Inform.kz-كە سىلتەمە جاساپ حابارلايدى.
قوس سپورتشى اراسىنداعى جەكپە-جەكتى «حابار» تەلەارناسى تىكەلەي ەفيردەن كورسەتەدى. ترانسلياسيا نۇر-سۇلتان ۋاقىتىمەن ساعات 8:00-دە باستالادى.
جانىبەك ءالىمحان ۇلى بۇعان دەيىنگى جەكپە-جەگىن قاراشا ايىندا وتكىزگەن. وندا قازاق بوكسشىسى سەگىزىنشى راۋندتا فرانسۋز بوكسشىسى حاسسان ندام نجيكامدى (38-6، 21 كو) تەحنيكالىق نوكاۋتپەن جەڭدى. دەنني ديگنۋم رينگكە سوڭعى رەت اقپان ايىندا شىعىپ، التىنشى راۋندتا وتانداسى گرانت دەننيستى (17-4، 3 كو) نوكاۋتقا ءتۇسىردى. WBO تۇجىرىمى بويىنشا ورتا سالماقتاعى تولىققاندى الەم چەمپيونى - امەريكالىق بوكسشى دەمەتريۋس اندرادە (31-0، 19 كو). ول دا 22 مامىردا بريتاندىق زاك پاركەرمەن (22-0، 16 كو) جۇدىرىقتاسۋى ءتيىس ەدى، ءبىراق جاراقات العاندىقتان، جەكپە-جەك كەيىنگە قالدىرىلدى.
ەسكە سالساق، قازاقتاندىق بوكسشى گۇلسايا ەرجان الەم چەمپيوناتىنداعى العاشقى جەكپە-جەگىن ءساتتى وتكىزدى.