ۇلىبريتانيالىق بوكسشى WBO بەلبەۋىنە مىندەتتى ۇمىتكەر
ورتا سالماقتاعى WBO چەمپيونى قازاقستاندىق جانىبەك ءالىمحان ۇلى (13-0، 8كو) ۇلىبريتانيالىق بوكسشى ليام سميتپەن (33-3-1، 20كو) جۇدىرىقتاسقىسى كەلەتىنىن ايتتى، دەپ حابارلايدى Almaty-akshamy.kz Prosports.kz-كە سىلتەمە جاساپ.
ەگەر ليامنىڭ كىشى كريس يۋبەنكپەن ماچ-ريەۆانشى وتپەي قالىپ جاتسا، جانىبەك ونىمەن جۇدىرىقتاسۋعا دايىن.
«ەگەر سميت يۋبەنكپەن جۇدىرىقتاسپاسا، نەگە مەنىمەن كەزدەسپەسكە؟ ول مەنىڭ تيتۋلىما ۇمىتكەر بولدى. قىزىق»، – دەپ جازدى ءالىمحان ۇلى Twitter پاراقشاسىندا.
بۇعان دەيىن جانىبەك ءالىمحان ۇلى كانادالىق ستيۆەن باتلەرمەن جەكپە-جەك وتكىزۋ تۋرالى كەلىسسوز جۇرگىزىپ جاتقانى بەلگىلى بولعان ەدى. ليام سميت كەلىسىمشارتى بويىنشا كىشى كريس يۋبەنكپەن ماچ-ريەۆانش وتكىزۋى كەرەك.
ەسكە سالايىق، ۇلىبريتانيالىق بوكسشى WBO (دۇنيەجۇزىلىك بوكس ۇيىمى) بەلبەۋىنە مىندەتتى ۇمىتكەر.