قازاقستاندىق كاسىپقوي بوكسشى جانىبەك ءالىمحان ۇلى (12-0، 8 كو) بريتانيالىق دەنزەل بەنتليدى (17-1-1، 14 كو) جەڭىپ، الەم چەمپيونى اتاعىن قورعادى، دەپ حابارلايدى Almaty-akshamy.kz Inform.kz-كە سىلتەمە جاساپ.
اتالعان جەكپە-جەك اقش-تىڭ لاس ۆەگاس قالاسىندا وتكىزىلدى. قوس بوكسشى WBO نۇسقاسى بويىنشا ورتا سالماقتا الەم چەمپيونى اتاعىن قورعاۋ ءۇشىن قولعاپ ءتۇيىستىردى.
جەكپە-جەك ون ەكى راۋندقا سوزىلدى. قوس بوكسشى تارتىستى باسەكە وتكىزدى. بىر-بىرىنە دۇركىن-دۇركىن سوققى جۇمساپ ۇلگەردى.
تورەشىلەر شەشىمىمەن جەڭىس جانىبەك ءالىمحانۇلىنا بەرىلدى. وسىلايشا ول كاسىپقوي بوكستاعى ون ءۇشىنشى جەڭىسىنە قول جەتكىزدى.
ايتا كەتسەك، قازاقستاندىق بوكسشى اتالعان نۇسقا بويىنشا ورتا سالماقتا الەم چەمپيونى بولىپ سانالادى.
بۇل اتاقتىڭ بۇرىنعى يەگەرى امەريكاندىق دەمەتريۋس اندرادە (12-0، 8 كو) ەكىنشى ورتا سالماققا اۋىسىپ كەتتى. وسىعان بايلانىستى ورتا سالماقتا الەم چەمپيونى اتاعى جانىبەك ءالىمحانۇلىنا بەرىلدى.
جانىبەك ءالىمحان ۇلى 1993 جىلى 1 ساۋىردە دۇنيەگە كەلگەن. اۋەسقوي بوكستا 2013 جىلى الەم جانە ازيا چەمپيونى اتانسا، 2014 جىلى ازيا ويىندارىندا جەڭىمپاز بولدى.
2016 جىلدان بەرى كاسىپقوي بوكستا سىنعا ءتۇسىپ كەلەدى.
سۋرەت: Inform.kz