وتانداسىمىز توپ جارۋدا
ايگىلى The Ring جۋرنالى بارلىق سالماق دارەجەسىندەگى بوكسشىلار رەيتينگىن جاڭارتتى، دەپ حابارلايدى Almaty-akshamy.kz Prosports.kz-كe cىلتەمە جاساپ.
جەرلەسىمىز ءارى QAZAQ STYLEء-دىڭ نەگىزىن سالۋشى، بوكسشى جانىبەك ءالىمحان ۇلى ورتا سالماقتا 9-ورىندا تۇرعان ەدى. ال جاڭارعان رەيتينگتە 7-ساتىعا كوتەرىلدى.
جاقىندا جانىبەك ورتا سالماقتا WBA Regular تۇجىرىمى بويىنشا بۇرىنعى الەم چەمپيونى امەريكالىق روب برانتتى تەحنيكالىق نوكاۋتپەن جەڭگەن بولاتىن. امەريكالىق بوكسشى ءالىمحانۇلىنان جەڭىلگەننەن كەيىن توپ-10 تىزىمىنەن شىعىپ قالدى.
ورتا سالماق رەيتينگىندە IBF/IBO چەمپيونى قازاقستاندىق گەنناديي گولوۆكين كوش باستاپ تۇر. ودان كەيىنگى ورىندا امەريكالىق دجەرمالل چارلو كەلەدى.
كەيىنگى ورىندار مىناداي:
3. دەمەتريۋس اندرادە (Aقش)
4. سەرگەي دەريەۆيانچەنكو (ۋكراينا)
5. ريوتا مۋراتا (جاپونيا)
6. حايمە مۋنگيا (مەكسيكا)
7. جانىبەك ءالىمحان ۇلى (قازاقستان)
8. كىشى كريس يۋبەنك (ۇلىبريتانيا)
9. ليام ۋيليامس (ۇلىبريتانيا)
10. فەليكس كەش (ۇلىبريتانيا).