قازاق بوكسشى جانىبەك ءالىمحان ۇلى ورتا سالماقتا WBO تۇجىرىمى بويىنشا الەم چەمپيونى دەمەتريۋس اندرادەمەن جەكپە-جەك وتكىزۋگە نيەتتى
بۇل تۋرالى امەريكالىق ينسايدەر لەنس پاگماير جازدى، دەپ حابارلايدى Almaty-akshamy.kz رrosports.kz-كە سىلتەمە جاساپ
ينسايدەر مالىمەتىنشە، ءالىمحان ۇلىنىڭ مەنەدجەرى ەگيس كليماس WBO-عا جانىبەكتى امەريكالىق چەمپيوننىڭ تيتۋلىنا مىندەتتى ۇمىتكەر ەتۋگە سۇراپ ءوتىنىم جىبەرگەن.
«مەنەدجەر ەگيس كليماس ورتا سالماقتا جەڭىلمەگەن شاكىرتى جانىبەك ءالىمحان ۇلى الەم چەمپيونى دەمەتريۋس اندرادە ءۇشىن مىندەتتى ۇمىتكەر قىلىپ بەكىتۋدى سۇراپ WBO-عا ءوتىنىم جىبەردى. WBO بۇل ءوتىنىمدى قاراۋ ءۇشىن سەيسەنبىدە جينالادى»، - دەپ جازدى پاگماير.
جانىبەك ءالىمحان ۇلى ءقازىر WBO رەيتينگىندە ەكىنشى ورىندا تۇر. ءبىرىنشى ورىنداعى حايمە مۋنگيا اندرادەنىڭ تيتۋتىنا مىندەتتى ۇمىتكەر بولۋ ءۇشىن ءوتىنىم جازباعان. سوندىقتان الداعى ايدا دەمەتريۋستىڭ كەلەسى قارسىلاسى بەلگىلى بولادى.