ق ر پرەمەر-مينيسترى اسقار ءماميننىڭ №197-ر وكىمىمەن جاندوس بۇركىتبايەۆقا دەنساۋلىق ساقتاۋ ءمينيسترى مىندەتىن اتقارۋ جۇكتەلدى
بۇل اقپاراتتى ق ر دەنساۋلىق ساقتاۋ مينيسترلىگىنىڭ باسپا ءسوز قىزمەتى راستادى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ
ايتا كەتەيىك، بۇعان دەيىن جاندوس بۇركىتبايەۆ دەنساۋلىق ساقتاۋ ۆيسە-مينيسترى قىزمەتىن اتقارىپ كەلگەن بولاتىن. جاندوس بۇركىتبايەۆ 1972 جىلى 27 اقپاندا جامبىل وبلىسىندا دۇنيەگە كەلگەن.
1996 جىلى C. اسفەندياروۆ اتىنداعى الماتى ۇلتتىق مەديسينا ۋنيۆەرسيتەتىن (ەمدەۋ ءىسى)، 2003 جىلى ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىن (مەملەكەتتىك جانە جەرگىلىكتى باسقارۋ)، 2007 جىلى وڭتۇستىك قازاقستان مەملەكەتتىك مەديسينا اكادەمياسىن (فارماسيا)، 2018 جىلى قدسجم قازاقستان مەديسينا ۋنيۆەرسيتەتىن، 2020 جىلى «تۇران-استانا» ۋنيۆەرسيتەتىن قۇقىقتانۋ ماماندىعى بويىنشا ءتامامداعان.
رەسەي فەدەراسياسىنىڭ دەنساۋلىق ساقتاۋ مينيسترلىگىنىڭ ن.ي. پيروگوۆ اتىنداعى ۇلتتىق مەديكو-حيرۋرگيالىق ورتالىعىنىڭ دوكتورانتى.
ەڭبەك جولى: الماتى قالاسىنداعى شۇعىل مەديسينالىق كومەكتىڭ قالالىق كلينيكالىق اۋرۋحاناسىنىڭ دارىگەرى (1996-1998)؛ الماتى قالاسىنداعى رەسپۋبليكالىق اپاتتار مەديسيناسى ورتالىعىنىڭ دارىگەرى (1998-1999)؛ قازاقستان رەسپۋبليكاسى دەنساۋلىق ساقتاۋ، ءبىلىم جانە سپورت مينيسترلىگىنىڭ، ءبىلىم جانە عىلىم باسقارماسىنىڭ باس مامانى (1999-2000)؛ قازاقستان رەسپۋبليكاسى دەنساۋلىق ساقتاۋ ىستەرى جونىندەگى اگەنتتىگىنىڭ دارى-دارمەك ساياساتى، مەديسينالىق جانە فارماسيەۆتيكالىق ونەركاسىپتى دامىتۋ، ۇيىمداستىرۋ-باقىلاۋ جۇمىسى ءبولىمىنىڭ باس مامانى (2000-2001)؛ ق ر دسم فارماسيەۆتيكالىق جانە مەديسينالىق ونەركاسىپ جانە اقپاراتتىق-تالدامالىق سۇيەمەلدەۋ ءبولىمىنىڭ باستىعى (2001-2002)؛ ق ر دسم فارماسيەۆتيكالىق جانە مەديسينالىق ونەركاسىپ جانە دارى-دارمەك ساياساتى باسقارماسىنىڭ باستىعى (2002-2004)؛ «اقتوبەرەنتگەن» اق كەڭەسشىسى (2005-2007)؛ ق ر پارلامەنت ءماجىلىسىنىڭ الەۋمەتتىك-مادەني دامۋ بويىنشا كوميتەتىنىڭ قىزمەتتى قامتاماسىز ەتۋ ءبولىمى مەڭگەرۋشىسىنىڭ ورىنباسارى (2007-2008)؛ استانا قالاسىنىڭ «قان ورتالىعى» شجق قكك باسشىسى (2008-2011)؛ ق ر دەنساۋلىق ق ر دسم «ترانسفۋزيولوگيا عىلىمي-وندىرىستىك ورتالىعى» شجق (2011-2019)؛ ق ر دسم «ۇلتتىق عىلىمي ونكولوگيالىق ورتالىق» ج ش س باسقارما ءتوراعاسى (2019-2021).
2021 جىلدىڭ قاڭتارىنان بەرى ۆيسە-مينيستر قىزمەتىن اتقارىپ كەلەدى.