جانداربەك بەكشين الماتىنىڭ باس سانيتار دارىگەرى لاۋازىمىنان بوساتىلدى
بۇل اقپاراتتى ق ر دەنساۋلىق ساقتاۋ مينيسترلىگى راستادى، دەپ حابارلايدى Almaty-akshamy.kz
الماتى قالاسىنىڭ باس سانيتار دارىگەرى جانە ق ر دسم كسك الماتى قالالىق سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى جانداربەك بەكشين زەينەتكە شىعۋىنا بايلانىستى 5 قاڭتاردان باستاپ قىزمەتىنەن كەتەدى. ەسكە سالايىق، جانداربەك بەكشين الماتىنىڭ باس سانيتار دارىگەرى قىزمەتىنە 2020 جىلدىڭ ءساۋىر ايىندا تاعايىندالدى.
2019 جىلدىڭ ماۋسىم ايىنان بەرى دەنساۋلىق ساقتاۋ مينيسترلىگىنىڭ تاۋارلار مەن كورسەتىلەتىن قىزمەتتەردىڭ ساپاسى جانە قاۋىپسىزدىگىن باقىلاۋ كوميتەتى ءتوراعاسىنىڭ ورىنباسارى - باس مەملەكەتتىك سانيتار دارىگەر قىزمەتىن اتقارعان.
بۇعان دەيىن جانداربەك بەكشين قازاقستان رەسپۋبليكاسىنىڭ باس مەملەكەتتىك سانيتار دارىگەرى قىزمەتىندە بولىپ، لاۋازىمىنان بوساتىلعان ەدى.
جانداربەك بەكشين 1958 جىلى قوستاناي وبلىسىندا دۇنيەگە كەلگەن. الماتى قالالىق سانيتارلىق-ەپيدەميولوگيالىق باقىلاۋ دەپارتامەنتىنىڭ حابارلاۋىنشا، 27 جەلتوقساننان 4 قاڭتارعا دەيىن جانداربەك بەكشين ەڭبەك دەمالىسىنا شىعادى.
ونىڭ قىزمەتىن ۋاقىتشا قارلىعاش ءابدىجابباروۆا اتقارادى.