28 ماۋسىمدا وڭىرلىك كوممۋنيكاسيالار قىزمەتىنىڭ الاڭىندا سويلەگەن سوزىندە الماتىنىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى جانداربەك بەكشين ماۋسىم ايىندا قالادا كوروناۆيرۋس جۇقتىرۋدىڭ 3 800 جاعدايى تىركەلگەنىن ايتتى.
الماتىنىڭ باس سانيتارلىق دارىگەرى تۇرعىنداردى ەپيدەميولوگتار مەن دارىگەرلەرگە جاۋاپكەرشىلىكپەن قاراۋعا شاقىردى، دەپ حابارلايدى Almaty-akshamy.kz.
دارىگەردىڭ ايتۋىنشا، ءقازىر سانيتارلىق قاۋىپسىزدىك ەرەجەلەرىن ساقتاۋ وتە ماڭىزدى: بەتپەردە تاعۋ، الەۋمەتتىك قاشىقتىقتى ساقتاۋ، قولدى ءجيى جۋۋ مەن ۆاكسينا الۋ.
«جىل باسىنان بەرى الماتىدا كۆي-دىڭ 55 101 جاعدايى انىقتالدى. ال ماۋسىم ايىندا 3 889 جاعدايى تىركەلدى. وتكەن اپتادا كوروناۆيرۋس دەرتى 1،7 ەسە ءوستى. 742-دەن 1237-گە دەيىن. سوڭعى تاۋلىكتە كۆي-دىڭ 215 جاعدايى تىركەلدى»، - دەدى ج. بەكشين
ونىڭ ايتۋىنشا، الماتىداعى ەپيدەميولوگيالىق جاعداي كونتاگيوزدى مۋتاسيالانعان "دەلتا"شتامىنىڭ تارالۋىنا بايلانىستى ۋشىعۋدا.
ەپيدەميولوگتاردىڭ ايتۋىنشا، پتر ورتاشا تاۋلىكتىك وڭ ناتيجەلەرى 114-تەن 188-گە دەيىن ءوستى. سوڭعى اپتادا سيمپتومدارى بار كۆي-مەن اۋىراتىنداردىڭ ۇلەس سالماعى 32%-دان 53%-عا دەيىن ارتتى، بۇل COVID-19 «دەلتا» شتامىنىڭ تەز تارايتىنىن كورسەتتى.
«ۆيرۋس جۇقتىرعاندار سانىنىڭ كۇرت وسۋىنە بايلانىستى ءبىز مۋتاسيالانعان شتامدارعا زەرتتەۋ جۇرگىزدىك. ناتيجەسىندە كۆي ناۋقاستارىنان الىنعان 131 ۇلگىنىڭ 77 «الفا"، بريتاندىق شتامدار، 46 ۇلگىدە «دەلتا» ءۇندى شتامدارى انىقتالدى. سونىمەن قاتار، ەكى «گامما»، وڭتۇستىك افريكا شتاممدارى مەن ءبىر نيۋ-يوركتىك «بەتتا» شتامى تىركەلدى. جالپى ەپيدەميولوگيالىق جاعدايدىڭ كۇردەلەنۋى «الفا» شتامىنىڭ تارالۋىنىڭ، ال اۋرۋدىڭ كوبەيۋى نۇر-سۇلتان قالاسى مەن رەسەيدەن اكەلىنگەن «دەلتا» شتامىنىڭ سالدارىنان»، - دەدى جانداربەك بەكشين.
الماتى قالاسىنىڭ باس سانيتارلىق دارىگەرى قابىلدانعان شەكتەۋ شارالارىن مىندەتتى تۇردە ورىنداۋ قاجەتتىگىن ايتتى. جانداربەك بەكشيننىڭ ايتۋىنشا، جالپى دەرتتى جۇقتىرماۋدىڭ جالعىز جولى – ۆاكسينا الۋ مەن سانيتارلىق نورمالاردى ساقتاۋ.