قازگيدرومەت قازاقستان ايماقتارىندا 2023 جىلعى 24 قاراشادا بولاتىن ءقاۋىپتى مەتەورولوگيالىق قۇبىلىستارعا بولجاۋ كونسۋلتاسياسىن جاريالادى، دەپ حابارلايدى almaty-akshamy.kz.
وڭتۇستىك كاسپيي سيكلونى جانە ونىمەن بايلانىستى اتموسفەرالىق فرونتتار ق ر اۋماعى ارقىلى جىلجۋىن جالعاستىرادى جانە ەلدىڭ باسىم بولىگىنە ىقپالىن ساقتايدى، سونىمەن بىرگە جاۋىن-شاشىن (جاڭبىر، قار)، وڭتۇستىك-باتىستا، سولتۇستىك-باتىستا، سولتۇستىكتە – قاتتى جاۋىن-شاشىن جاۋادى. قازاقستان بويىنشا تۇمان، كوكتايعاق، جەلدىڭ كۇشەيۋى، سولتۇستىك، سولتۇستىك-باتىس، ورتالىق اۋداندارىندا بۇرقاسىن كۇتىلەدى.
اقمولا وبلىسىنىڭ باتىسىندا، سولتۇستىگىندە، تۇركىستان وبلىسىنىڭ تاۋ اسۋلارىندا، تۇندە سولتۇستىك قازاقستان وبلىسىنىڭ وڭتۇستىگىندە، باتىسىندا، كۇندىز جامبىل وبلىسىنىڭ وڭتۇستىك-باتىسىندا 30 م/س جانە ودان اسا جەل كۇتىلەدى.