جاڭبىر، نايزاعاي، بۇرشاق

قازگيدرومەت سينوپتيكتەرى سەنبىگە ارنالعان اۋا رايى بولجامىن جاريالادى. 
اتموسفەرالىق فرونتتاردىڭ اسەرىنەن قازاقستان تەرريتورياسىنىڭ باسىم بولىگىندە ءالى دە قۇبىلمالى تۇراقسىز اۋا رايى ساقتالادى، دەپ حابارلايدى اlmaty-akshamy.kz.

نايزاعاي جارقىلداپ، جاڭبىر جاۋادى.

ەلىمىزدىڭ باتىسىندا، سولتۇستىگىندە — قاتتى جاڭبىر جاۋادى، مەملەكەتىمىزدىڭ باتىسىندا، سولتۇستىگىندە، شىعىسىندا بۇرشاق بولادى. 

تەك ەلىمىزدىڭ وڭتۇستىگىندە جاۋىن-شاشىن جاۋمايدى، كۇن اشىق بولادى.

رەسپۋبليكا بويىنشا جەل كۇشەيەدى، كۇندىز وڭتۇستىك-باتىستا شاڭدى داۋىل سوعادى. 

كۇندىز قىزىلوردا، الماتى، جەتىسۋ وبلىستارىندا قاتتى ىستىق ساقتالادى، قوستاناي وبلىسىنىڭ وڭتۇستىگىندە دە اپتاپ بولادى. .

ماڭعىستاۋ، تۇركىستان، جامبىل، ۇلىتاۋ، قىزىلوردا، باتىس قازاقستان، الماتى، اقتوبە، اتىراۋ، قوستاناي، قاراعاندى، اباي وبلىستارىندا جوعارى ءورت ءقاۋپى بار. 

تۇركىستان وبلىسىنىڭ ءشولدى اۋداندارىندا، اتىراۋ وبلىسىنىڭ سولتۇستىك-باتىسىندا، وڭتۇستىگىندە، سولتۇستىگىندە، باتىس قازاقستان وبلىسىنىڭ باتىسىندا، قىزىلوردا وبلىسىنىڭ وڭتۇستىگىندە، سولتۇستىك-شىعىسىندا، ورتالىعىندا، ماڭعىستاۋ وبلىسىنىڭ سولتۇستىگىندە، ورتالىعىندا، اقتوبە وبلىسىنىڭ وڭتۇستىگىندە توتەنشە ءورت ءقاۋپى ساقتالادى.