اقش-تىڭ كاليفورنيا شتاتىندا جانارمايمەن جۇرەتىن كولىكتەردى ساتۋعا تىيىم سالىندى، دەپ حابارلايدى اlmaty-akshamy.kz.
اۋە رەسۋرستارى جونىندەگى ايماقتىق كەڭەس وسىنداي شەشىم شىعارعان. سونىمەن قاتار 2035 جىلعا قاراي زاۋىتتار ەكولوگياعا زياندى كولىك ءوندىرۋ كولەمىن قىسقارتۋعا ءتيىس.
ماسەلەن، 4 جىلدىڭ ىشىندە اۆتووندىرۋشىلەر اۋاعا ەشقانداي زالال كەلتىرمەيتىن كولىكتەردىڭ ۇلەسىن 35 پايىزعا جەتكىزبەك. بۇل شارالار كليمات وزگەرىسىنىڭ تەرىس سالدارىمەن كۇرەسۋگە باعىتتالعان.
الايدا ەلەكترلى كولىكتەردى كوبەيتۋگە كەدەرگى كوپ. ەڭ باستى توسقاۋىل - شتات بويىنشا قۋاتتاۋ بەكەتتەرى ءالى دە جەتكىلىكسىز. دەسە دە، كاليفورنيا شتاتى 2045 جىلعا دەيىن 100 پايىز بالامالى ەنەرگيا قولداناتىن كولىكتەرگە كوشۋ ماقساتىن قويعان.
ەندى بۇل جوسپار ۇكىمەت دەڭگەيىندە بەكىتىلۋى كەرەك.