جانارمايدى ارنايى قۇرىلعىنىڭ كومەگىمەن ۇنەمدەۋگە بولادى

 جانارمايدى ۇنەمدەپ، كولىككە كۇش بەرەتىن قۇرىلعىنى ويلاپ تاپقان ازامات ءبىزدىڭ ەلدە تۇرادى

قۇرىلعىنىڭ ارتىقشىلىعى – كولىكتەن ءتۇتىن شىعۋىن ازايتادى، جانارمايدى 20%-عا ۇنەمدەيدى، كولىككە كۇش بەرەدى. بۇل قۇرىلعىنىڭ اۆتورى – شوقان ەسىمدى ازامات. ونىڭ پىكىرىنشە، بۇل قۇرىلعىنى جارىققا شىعارۋ ءۇشىن بىرنەشە جىل قىزمەت ەتكەن، دەپ حابارلايدى Almaty-akshamy.kz Baq.kz cايتىنا سىلتەمە جاساپ. 

 «قۇرىلعىنىڭ العاشقى ءتۇرى 2016 جىلى جارىققا شىقتى. قۇرىلعى ءيمپۋلستى گەنەراتور. كولىكتىڭ ەلەكتر جۇيەسىنە ورناتىلادى. ول كولىكتىڭ قوزعالتقىشىنا گەنەراتوردىڭ تۇسىرەتىن جۇكتەمەسىن ازايتادى. گەنەراتور كۇشىن كۇشەيتىپ، موتورعا جۇكتەمەسىن ازايتامىز. ارتىلعان كۇش دوڭگەلەككە بارىپ،كولىگىڭىز بەلسەندى، جىلدام جۇرەتىن بولادى»، - دەيدى ول.

سونداي-اق قۇرىلعى بىرنەشە جىل بويى سىنالىپ، ونەرتاپقىش بۇگىنگە دەيىن ارىپتەستەرىمەن 12 ءتۇرىن جاساعان.

 «بۇل قۇرىلعى بىرىنشىدەن جانارمايدى ۇنەمدەيدى جانە كولىككە كۇش بەرەدى. بۇل الماتى سەكىلدى تاۋلى جەرلەرگە وتە ىڭعايلى. كولىگىڭىزگە قاتتى كۇش سالماعاندىقتان، ونىڭ سىزگە قىزمەت ەتەر ۋاقىتىن دا ۇزارتادى»، - دەيدى ونەرتاپقىش.

ونىڭ ايتۋىنشا، قۇرىلعى جانارمايمەن جۇرەتىن جەڭىل كولىكتەرگە ارنالعان. باستىسى، قۇرىلعىنى دۇرىس ورناتۋ كەرەك.

 «قۇرىلعى كوپتەگەن كولىك تۇرىنە ارنالعان. تەك قۇرىلعىنى ورناتقاندا، ىقتياتتىلىق تانىتۋ كەرەك. سونىمەن قاتار جەڭىل كولىككە ارنالعان قۇرىلعىنى جۇك كولىكتەرىنە سالۋعا بولمايدى. ازىرگە توقپەن جۇرەتىن كولىكتەردى سىنامادىق»،  - دەيدى ول.