كەندىرلى دەمالىس ايماعىندا تەڭىز سۋىن تۇششىتۋ زاۋىتىن سالۋ كوزدەلۋدە
جاڭاوزەن قالاسىندا سەناتورلار سەرىكباي ترۇموۆ، باقتىباي شەلپەكوۆ جانە سۇيىندىك الداشيەۆتىڭ قاتىسقان دوڭگەلەك ۇستەل وتىرىسى بولدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
كەندىرلى دەمالىس ايماعىندا تەڭىز سۋىن تۇششىتۋ زاۋىتىن سالۋ ماسەلەسى تالقىلاۋدىڭ باستى تاقىرىبى بولدى.
كەزدەسۋگە جەرگىلىكتى اتقارۋشى ورگانداردىڭ باسشىلارى، ءماسليحات دەپۋتاتتارى، قوعامدىق كەڭەس پەن ارداگەرلەر ۇيىمىنىڭ مۇشەلەرى قاتىستى. دەپۋتاتتار جوبا جوسپارى مەن سونىڭ اياسىندا اتقارىلعان جۇمىستاردىڭ قورىتىندىسىن قاراپ، حالىقتى اۋىز سۋمەن ۇزدىكسىز قامتاماسىز ەتۋدىڭ جانە وسى ماسەلەنى جاۋاپتى ورگانداردىڭ تۇراقتى باقىلاۋىنىڭ ماڭىزدى ەكەنىن اتاپ ءوتتى.
«ايماقتاعى ماڭىزدى مىندەتتەردىڭ ءبىرى – حالىقتى اۋىز سۋمەن قامتاماسىز ەتۋ بولىپ تابىلادى. بۇل ماسەلەنى شەشۋ ءۇشىن كەشەندى جۇمىستار جۇرگىزىلىپ جاتىر. قويىلعان ماقساتتارىمىزدىڭ ناتيجەلى ورىندالۋىنا ىقپال ەتۋ – ءبىزدىڭ مىندەتىمىز» ، - دەدى سەرىكباي ترۇموۆ.
سەنات دەپۋتاتتارى سونىمەن قاتار جاڭا مۇناي-گاز وڭدەۋ زاۋىتىنىڭ قۇرىلىس ايماعىندا بولدى. وندا 2022-2024 جىلدارعا جوسپارلانعان زاۋىت قۇرىلىسىنداعى جەر ۋچاسكەسىمەن جانە جوبانى ىسكە اسىرۋ جوسپارىمەن تانىستى.