وقيعانىڭ سالدارىنان كىرەبەرىستىڭ 150 شارشى مەترى قيراعان
جاڭاوزەندە تۇرعىن ۇيدە جارىلىس بولىپ، 11 ادام زارداپ شەكتى، دەپ حابارلايدى Almaty-akshamy.kz ق ر توتەنشە جاعدايلار مينيسترلىگىنىڭ باسپا ءسوز قىزمەتىنە سىلتەمە جاساپ.
باسپا ءسوز مالىمەتتەرىنە قاراعاندا، وقيعا بۇگىن استانا ۋاقىتىمەن ساعات 5:00-دەر شاماسىندا بولعان.
جاڭاوزەن قالاسىنداعى 2ء-شى شاعىناۋداندا ەكى كىرەبەرىستەن تۇراتىن 12 پاتەرلى 2 قاباتتى تۇرعىن ۇيدە گاز جارىلعان. وقيعانىڭ سالدارىنان كىرەبەرىستىڭ 150 شارشى مەترى قيراعان.
ءورت بولعان جوق، (ءۇيدىڭ جالپى اۋدانى 600 ش.م.). الدىن الا مالىمەت بويىنشا 11 ادام زارداپ شەككەن، ولار مەديسينا قىزمەتكەرلەرىنە تاپسىرىلدى. بولعان وقيعانىڭ سەبەپ-سالدارى انىقتالۋدا.
«وقيعا ورنىنداعى ءۇيىردىنى ارشۋ جۇمىستارىنا ماڭعىستاۋ وبلىسى توتەنشە جاعدايلار دەپارتامەنتىنىڭ 50-دەن استام قۇتقارۋشى، 10 تەحنيكا، جەدەل مەديسينالىق كومەك جانە جەرگىلىكتى اتقارۋشى ورگانداردىڭ قىزمەتكەرلەرى جۇمىلدىرىلدى»، - دەلىنگەن حابارلامادا.