سالىنىپ جاتقان ۇيلەردەگى تۇرعىن ءۇيدى تەك ۇلەستىك قاتىسۋ تۋرالى شارتتار بويىنشا عانا ساتۋعا بولادى، دەپ حابارلايدى aqshamnews.kz
Krisha-نىڭ مالىمەتىنشە، 2026 جىلدىڭ قاڭتارىنان باستاپ العاشقى نارىقتاعى پاتەرلەردى ساتىپ الۋ كەزىندە بارلىق تولەمدەر تەك قولما-قول اقشاسىز جۇرگىزىلەدى. بۇدان بولەك، سالىنىپ جاتقان ۇيلەردەگى تۇرعىن ءۇيدى تەك ۇلەستىك قاتىسۋ تۋرالى شارتتار (ءۇقش) بويىنشا عانا ساتۋعا بولادى، ال جاڭا تۇرعىن ءۇي كەشەندەرىنىڭ جارناماسىنا تەك قجك كەپىلدىگى نەمەسە اكىمدىكتىڭ رۇقساتى بولعان جاعدايدا عانا جول بەرىلەدى.
قولما-قول اقشاعا تىيىم تەك جاڭا قۇرىلىستارعا قاتىستى. ەكىنشى نارىقتا ءبارى بۇرىنعىداي قالادى: تولەمدى كەز كەلگەن تاسىلمەن، سونىڭ ىشىندە قولما-قول جۇرگىزۋگە بولادى.
– بۇل جاڭاشىلدىق، مەنىڭ ويىمشا، پاتەر باعاسىنا اسەر ەتپەيدى. ال ەگەر قۇرىلىسشى تولەمدى قولما-قول تالاپ ەتسە، وندا ونىڭ ادالدىعىنا كۇمان كەلتىرۋگە نەگىز بار، – دەيدى قۇرىلىس جانە تكش ىستەرى كوميتەتىنىڭ ءتوراعاسى باقىتجان جۇنىسبەكوۆ.
جۇنىسبەكوۆتىڭ ايتۋىنشا، زاڭسىز اقشا تارتقانى جانە كەپىلدىكسىز/رۇقساتسىز جارناما جاساعانى ءۇشىن قۇرىلىسشىلارعا سالىناتىن ايىپپۇلدار 300-دەن 2000 اەك-كە دەيىن (1،2 ملن-نان 7،8 ملن تەڭگەگە دەيىن) وسەدى. ءبىراق ولاردىڭ قاشان كۇشىنە ەنەتىنى ازىرگە بەلگىسىز.
2025 جىلدىڭ شىلدەسىندە ەلدەگى جاڭا تۇرعىن ءۇيدىڭ ءبىر شارشى مەترى ءۇشىن ورتاشا باعا 528 559 تەڭگەگە جەتتى، بۇل وتكەن جىلدىڭ سايكەس كەزەڭىمەن سالىستىرعاندا 9،6%-عا جوعارى.