الماتىدا مەرەكە كۇندەرى 215 بالا دۇنيەگە كەلدى
قازاقستان رەسپۋبليكاسىنىڭ تاۋەلسىزدىك كۇنى دۇنيەگە كەلگەن 2 مىڭنان استام سابيگە تاۋەلسىزدىكتىڭ 30 جىلدىق مەرەيتويىنا وراي baby-بوكستار سىيعا تارتىلدى، دەپ حابارلايدى Almaty-akshamy.kz.
«ءسۇيىنشى» سىيقورابىنا بوبەكتەرگە قاجەتتى زاتتاردان باسقا ق ر پرەزيدەنتى قاسىم-جومارت توقايەۆتىڭ قۇتتىقتاۋ تىلەگى جازىلعان اشىق حات، «تاۋەلسىز قازاقستانعا 30 جىل» مونەتاسى مەن بالانىڭ تۋۋى تۋرالى كۋالىگى سالىنعان.
«اينالايىن، بوبەك! سەنىڭ تۋعان كۇنىڭ ەلىمىزدىڭ ەڭ باستى مەرەكەسىمەن تۇسپا-تۇس كەلدى. ءوزىڭ دۇنيە ەسىگىن اشقان كەزدە حالقىمىز قاستەرلى تاۋەلسىزدىگىنىڭ 30 جىلدىعىن اتاپ ءوتىپ جاتتى. ساعان باقىتتى ءارى ۇزاق عۇمىر تىلەيمىن!»، - دەپ جازىلعان پرەزيدەنتتىڭ قۇتتىقتاۋىندا.
16 جانە 17 جەلتوقساندا تۋعان بالالارعا تۋۋ تۋرالى كۋالىكتى الۋ تۋرالى وتىنىمدەردى «ازاماتتارعا ارنالعان ۇكىمەت» مەملەكەتتىك كورپوراسياسىنىڭ قىزمەتكەرلەرى قابىلداپ، ءارى قاراي قازاقستان ازاماتىنىڭ العاشقى قۇجاتىن رەسىمدەۋ ءۇشىن احاج ورگاندارىنا جولداندى.
«وزدەرىڭىز بىلەتىندەي، بالا تۋعاننان كەيىن ولارعا بالانىڭ ءبىرىنشى قۇجاتىن پرواكتيۆتى تۇردە راسىمدەۋ ۇسىنىسىمەن سمس كەلەدى. سونداي-اق، ءوتىنىشتى پورتال نەمەسە حقو ارقىلى بەرۋگە بولادى. ءبىزدىڭ قىزمەتكەرلەر پەرزەنتحانالارعا بارىپ، بوسانعان ايەلدەردەن تىكەلەي ءوتىنىش الدى. الماتى قالاسى بويىنشا مەرەكە كۇندەرى 215 بالا دۇنيەگە كەلدى. ءبىزدىڭ قىزمەتكەرلەر قۇجاتتاردى ودان ءارى جەدەل دايىنداۋ ءۇشىن احات-قا جىبەردى. بارلىق مەرەكە كۇندەرى حقو-نىڭ، قازپوشتانىڭ بارلىق قىزمەتكەرلەرى پرەزيدەنتتىڭ قۇتتىقتاۋى مەن ءسابي بوكستارىن جەتكىزۋ ءۇشىن، بوكستاردى دايىنداۋ جۇمىستارىن جۇرگىزدى»، - دەيدى «ازاماتتارعا ارنالعان ۇكىمەت» مەملەكەتتىك كورپوراسياسى الماتى قالاسى بويىنشا فيليالىنىڭ ديرەكتورى ەرمەك قۇرالبەك ۇلى بەكجۇنىسوۆ.
بارلىق baby-بوكستار يەلەرىنە قازپوشتا ارقىلى جونەلتىلدى.
«دۇنيەگە ءسابيىمىز كەلىپ ءبىر قۋانساق، «ءسۇيىنشى» قورابىن الىپ قۋانىشىمىز ەسەلەنىپ جاتىر. ونىڭ ۇستىنە ءسابيىمىز مەرەكە كۇنى دۇنيەگە كەلدى... قۋانىشىمدا شەك جوق. پرەزيدەنتتىڭ ءوزى قۇتتىقتاۋ حاتىن جولداپ جاتسا، نەگە قۋانباسقا! بالام قازاقستان رەسپۋبليكاسىنىڭ باقىتتى بالالارىنىڭ ءبىر بولىپ وسەدى دەپ سەنەمىن! ومىرگە العاشقى كەلگەن كۇننەن قۇرمەتكە يە بولىپ جاتىر... ەلىمىزدە انالار دا، بالالار دا باقىتتى بولسىن!» - دەيدى الماتى قالاسىنىڭ تۇرعىنى ەسكەلدينوۆا گۇلفيا ەدىلحان قىزى.
ايتا كەتۋ كەرەك، «ءسۇيىنشى» سىيقوراپتارىن ق ر سيفرلىق دامۋ، يننوۆاسيالار جانە اەروعارىش مينيسترلىگى «ازاماتتارعا ارنالعان ۇكىمەتپەن بىرگە جانە ق ر ۇلتتىق بانك، سەنتركرەديت بانكى جانە «قازپوشتا» اق قاتىسۋىمەن ۇيىمداستىردى.