2024 جىلدان باستاپ توتەنشە جاعدايلار مينيسترلىگى سالىنىپ جاتقان ۇيلەردىڭ ءورت قاۋىپسىزدىگىن تەكسەرۋدى باستايدى.
بۇل تۋرالى ۆەدومستۆو باسشىسى سىرىم ءشارىپحانوۆ مالىمدەدى، دەپ حابارلايدى Almaty-akshamy.kz.
«بىزدەگى ماسەلە مىنادا: تۇرعىن ۇيلەر سالىنىپ جاتىر، ال تجم-دە سەرتيفيكاتتاۋدى، نىسانداردى تەكسەرۋدى الىپ تاستاعان. بۇل ماسەلە قاشان شەشىلەدى؟» - دەپ سۇراق قويدى تىلشىلەر ۇكىمەتتىڭ كۋلۋارىندا.
«بۇل ماسەلە جاڭا جىلدان باستاپ شەشىلەدى. ءبىز جوبالاردى كەلىسۋگە، عيماراتتاردى، قۇرىلىستاردى قابىلداۋعا، سونداي-اق تەكسەرۋ كەزىندە تىكەلەي قاتىساتىن بولامىز»، - دەپ قىسقاشا جاۋاپ بەردى تج ءمينيسترى سىرىم ءشارىپحانوۆ.
ياعني، قاڭتار ايىنان باستاپ ءۇي سالۋ بويىنشا بارلىق جوبالاردى توتەنشە جاعدايلار مينيسترلىگى تەكسەرەدى.
تىلشىلەردىڭ بۇل سۇراقتى قويۋى ءبىر اپتا بۇرىن الماتىداعى كوپقاباتتى ۇيدەن شىققان ورتكە بايلانىستى. ەسكە سالا كەتسەك، 1 تامىز كۇنى الماتىدا 16 قاباتتى ءۇي ورتەنگەن ەدى. امالى قالماعان تۇرعىندار بالالارىن تەرەزەدەن لاقتىردى.
ءورت سالدارىنان 1 ادام كوز جۇمىپ، 43 ادام زارداپ شەكتى.