قوعامنان ورنىن تاۋىپ، لايىقتى ماماندىق يەسى بولۋ ءاربىر ازاماتتىڭ پارىزى ەكەنى بەلگىلى. بۇگىندە پرەزيدەنتىمىز دە ەڭبەك ادامدارىن ناسيحاتتاپ، وسى باعىتتا قولداۋلار كورسەتۋدە. سوندىقتان ءاربىر ازامات ومىرلىك تاڭداۋعا جاۋاپكەرشىلىكپەن قاراۋى ماڭىزدى.
مەملەكەتتىڭ وسى ساياساتىن باسشىلىققا العان ءال-فارابي اتىنداعى قازاق ۇلتتىق ۋنيۆەرسيتەتى وسى باعىتتاعى الەمنىڭ جەتەكشى ۋنيۆەرسيتەتتەرىنىڭ تاجىربيەلەرىن زەرتتەپ، ولاردىڭ ماڭىزىن ساراپتايدى. مۇنداي زەرتتەۋلەر مەن كورسەتكىشتەر وسى ءبىلىم شاڭىراعىنىڭ الەمدىك ءبىلىم بەرۋ نارىعىنداعى جوعارى باسەكەگە قابىلەتتىلىگىنىڭ ايقىن دالەلى بولىپ تابىلادى.
بۇگىندە وقۋ ورنى وتاندىق جانە حالىقارالىق ەڭبەك نارىقتارىندا باسەكەگە قابىلەتتى جانە سۇرانىسقا يە مامانداردى قامتاماسىز ەتىپ كەلەدى. ياعني جۇمىس بەرۋشىلەر مەن وقۋ ورنى اراسىندا ناقتى بايلانىس ورناعان. جۇمىس بەرۋشىلەر وندىرىستىك تاجىربيەلەرگە قاتىسىپ، مەملەكەتتىك اتتەستاتتاۋ كوميسسيالارىنىڭ قۇرامىندا بولادى. بۇل ۇلكەن ماڭىزدى جاڭاشا قادام ءارى ول وقۋ ساپاسىنا اسەر ەتەدى.
وسىلايشا، جۇمىس بەرۋشىنىڭ ۋنيۆەرسيتەتتەگى ءبىلىم بەرۋ پروسەسىنىڭ ساپاسىن باسقارۋ جۇيەسىنە بەلسەندى قاتىسۋ قاجەتتىلىگى ۇلكەن ماڭىزعا يە.
جۇمىس بەرۋشىنىڭ مۇددەلى تاراپ رەتىندەگى ەرەكشەلىگى ەكى باعىتت بويىنشا سيپاتتالادى: ولار جوو-نىڭ ءبىلىم بەرۋ قىزمەتتەرىن تۇتىنۋشىلار، ەكىنشى جاعىنان، وسى قىزمەتتەردىڭ جەكەلەگەن تۇرلەرىنە تاپسىرىس بەرۋشىلەر. مىسالى «نۇر تەمىر ترانس» ج ش س كومپانياسى لوگيستيكالىق قىزمەتتەر نارىعىندا ون جىلدان استام جۇمىس ىستەيدى ءارى وسى باعىتتاعىمامانداردىڭ ساپاسىن ارتتىرۋعا مۇددەلى. جىل سايىن كومپانيا وندىرىستىك تاجىربيەدەن ستۋدەنتتەرى وتكىزىپ وتىرادى. بۇل ءال-فارابي اتىنداعى وقۋ ورنىمەن ورناعان ىنتىماقتاستىقتىڭ ناتيجەسى. بۇل جاس ماماندار ءۇشىن ۇلكەن قولداۋ.
اتالمىش كولىك كومپانياسى الەمنىڭ كەز كەلگەن نۇكتەسىنەن اۆتوموبيل، تەمىرجول، تەڭىز جانە اۋە كولىگىمەن جۇكتەردىڭ بارلىق تۇرلەرىن جەتكىزۋ بويىنشا لوگيستيكالىق قىزمەتتەردىڭ تولىق كەشەنىن، سونىڭ ىشىندە جۇكتەردى قويمالاۋ، كەدەندىك رەسىمدەۋ، ساقتاندىرۋ جانە تولىق سۇيەمەلدەۋ قىزمەتتەرىن كورسەتەدى. بۇل جاس ماماندار ءۇشىن ومىرلىك تاجىربيە، بولاشاقتانىنا ناقتى قادام بولۋدا.
ۋنيۆەرسيتەت كافەدراسىنىڭ پروفەسسورلىق-وقىتۋشىلىق قۇرامىنىڭ جۇمىس بەرۋشىلەرىمەن بىرلەسىپ ازىرلەگەن، لوگيستيكا مەن ماركەتينگ بويىنشا باعدارلاماسى قازىرگى زامان تالابىنا لايىقتى. كاسىپتىك پاندەردى قالىپتاستىرۋ، جۇمىس بەرۋشىلەردىڭ تالاپتارىن ەسكەرۋ، جۇمىس بەرۋشىلەردىڭ مۇددەلەرىن ەسكەرۋ، ءبىلىم بەرۋ باعدارلامالارىنىڭ جاڭارتىلۋى وسى سالاداعى نەگىزگى ارتىقشىلىقتار بولىپ سانالادى.
ءبىلىم بەرۋ باعدارلاماسىن جۇزەگە اسىرۋ ءۇشىن كافەدرادا دا «Smart Marketing and Logistics» ورتالىعى جۇمىس ىستەيدى. ورتالىق وقىتۋشىلاردىڭ بىلىكتىلىگىن ارتتىرۋعا، جۇمىس بەرۋشىلەرمەن ىنتىماقتاستىقتى كەڭەيتۋگە، جەتەكشى جوعارى وقۋ ورىندارىنىڭ عالىمدارىمەن حالىقارالىق ىنتىماقتاستىقتى كۇشەيتۋگە، ماگيسترانتتار مەن دوكتورانتتاردى زەرتتەۋ قىزمەتىنە تارتۋعا، عىلىمي زەرتتەۋلەردى كوممەرسيالاندىرۋعا باعىتتالعان. جۇمىس بەرۋشى كومپنيانىڭ قىزمەتكەرلەرى جىبەك جولى كونتەكستىندە ەكونوميكالىق بەلدەۋدىڭ كولىكتىك-لوگيستيكالىق ينفراقۇرىلىمى مەن ماركەتينگتىك قىزمەتتەرى ماسەلەسىنە ارنالعان كونفەرەنسيالارعا دا قاتىسىپع ءوز تاجىربيەلەرىن ءيۋولىسىپ وتىرادى.
بۇل جۇمىس بەرۋشى ەڭبەك نارىعىن دامىتۋدا ءبىلىم بەرۋ باعدارلاماسىن ازىرلەۋ مەن ىسكە اسىرۋدىڭ بارلىق كەزەڭدەرىنە بەلسەندى قاتىسىپ، عىلىمي-زەرتتەۋ جانە وقۋ-ادىستەمەلىك سالاعا دا ءوز ۇلەستەرىن قوسادى.
«بيزنەس-تەحنولوگيالار» كافەدراسىنىڭ دوسەنتى م. ا. قاجىمۇراتوۆا ا.، كافەدراسىنىڭ اعا وقىتۋشىسى-بولتايەۆا ا.، كافەدراسىنىڭ وقىتۋشىسى-كارانوۆا ج.
«نۇر تەمىر ترانس» ج ش س باس قىزمەتكەرى-بيچاشيەۆ