ق ر وقۋ-اعارتۋ مينيسترلىگىندە مەملەكەت باسشىسىنىڭ ءبىلىم بەرۋ جۇيەسىن دامىتۋعا باعىتتالعان تاپسىرمالارىن ىسكە اسىرۋ بارىسى جانە جاڭا 2023-2024 وقۋ جىلىنا دايىندىق جۇمىستارى تالقىلانعان كەڭەس ءوتتى، دەپ حابارلايدى Almaty-akshamy.kz.
مەملەكەت باسشىسى ەلىمىزدىڭ مەكتەپتەرىندە روبوت تەحنيكاسى، فيزيكا، حيميا، بيولوگيا، STEM پاندەرىنەن 2023 جىلى مىڭ كابينەت اشۋدى تاپسىرعان بولاتىن. قازىرگى كۇنى بۇل جۇمىستارعا قاتىستى ەلىمىزدەگى مەكتەپتەردە 307 كابينەت اشىلدى. 248 كابينەت بويىنشا جەتكىزۋ جۇمىستارى جۇزەگە اسۋدا. 1235 كابينەت جابدىقتارىن ساتىپ الۋ ءۇشىن كونكۋرستىق راسىمدەر وتكىزىلۋدە. بۇل باعىتتاعى جۇمىستاردىڭ تومەندىگى الماتى، اتىراۋ، جامبىل، قىزىلوردا، شقو، بقو جانە تۇركىستان وبلىستارىندا بايقالۋدا، كەڭەس بارىسىندا اتالعان وڭىرلەرگە پاندىك كابينەتتەردى اشۋ جۇمىستارىن جەدەلدەتۋ ءارى ساپالى ورىنداۋ تاپسىرىلدى.
ق ر پرەزيدەنتى قاسىم-جومارت توقايەۆتىڭ شاعىن قالالاردا، اۋدان ورتالىقتارىندا جانە اۋىلداردا جىل سايىن كەمىندە مىڭ مەكتەپتى زاماناۋي ستاندارتتار بويىنشا جاڭعىرتۋ جونىندەگى تاپسىرماسىن ىسكە اسىرۋ شەڭبەرىندە قازىرگى كۇنى ەلىمىزدە 506 مەكتەپ جاڭعىرتىلدى. ونىڭ ىشىندە 107 مەكتەپتە اعىمداعى جوندەۋ جۇمىستارى اياقتالدى. 185 ورتا ءبىلىم بەرۋ ۇيىمىندا مەكتەپ جيھازدارى جاڭارتىلدى، 201 مەكتەپ كىتاپحاناسى مەن 119 مەكتەپ اسحانالارى جاڭعىرتۋ جۇمىسىنان ءوتتى. 261 مەكتەپكە تۋرنيكەت، بەينەباقىلاۋ، دابىل تۇيمەلەرى ورناتىلىپ، قاۋىپسىزدىك شارالارى كۇشەيتىلدى. بۇل باعىتتا الماتى، اتىراۋ، تۇركىستان وبلىستارىندا كورسەتكىش تومەن.
قازىرگى كۇنى ەلىمىزدەگى 250 مەكتەپتە كۇردەلى جوندەۋ جۇرگىزىلىپ جاتىر، ونىڭ 90-ى «اۋىل ەل بەسىگى» باعدارلاماسىمەن جۇزەگە اسۋدا. الايدا جاڭا وقۋ جىلىنا دەيىن 35 مەكتەپتىڭ جوندەۋ جۇمىسى اياقتالماۋى مۇمكىن. بۇل اباي، الماتى، اتىراۋ، جامبىل، قاراعاندى، تۇركىستان، باتىس قازاقستان وبلىستارى مەن الماتى قالاسىندا ورنالاسقان مەكتەپتەر.
جاڭا وقۋ جىلىنا دايىندىقتىڭ نەگىزگى مىندەتتەرىڭ ءبىرى – ءبىلىم بەرۋ ۇيىمدارىن وقۋلىقتارمەن قامتاماسىز ەتۋ. بۇل باعىتتا 14 ءوڭىر 100 پايىز باسپالارمەن كەلىسىم شارت جاسادى. اقتوبە، سولتۇستىك قازاقستان، اتىراۋ وبلىستارىندا كەلىسىم-شارت جۇمىسى ەندى اياقتالسا، الماتى قالاسى، تۇركىستان، الماتى وبلىستارىندا باسپالارمەن ءالى كەلىسىم شارت جاسالمادى.
كەڭەس قورتىندىسى بويىنشا بارلىق وڭىرلەردەگى ءبىلىم بەرۋ باسقارمالارىنا مەملەكەت باسشىسىنىڭ تاپسىرمالارىن ساپالى ورىنداۋ جانە جۇمىستى جەدەلدەتۋ جۇكتەلدى. ال كورسەتكىشى تومەن وبلىستارعا ولقىلىقتاردى شۇعىل جويۋ شارالارىن قولعا الۋ تاپسىرىلدى.