جاڭا جىلدىڭ العاشقى كۇندەرىندە قالا سىرتىنداعى تراسسالاردا 6 مىڭنان استام اۆتوكولىكتى پاترۋلدىك پوليسەيلەر الىپ ءجۇردى.
قولايسىز اۋا رايىندا جولداعى قاۋىپسىزدىك ءۇشىن ءىىم قوزعالىستى توقتاتۋدى، سونداي-اق جولدا كولىكتەرگە جول كورسەتىپ، اۆتوكولىكپەن ىلەسىپ ءجۇرۋدى قامتاماسىز ەتەدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
تاۋلىك سايىن قالا سىرتىنداعى جولداردا مىڭنان استام پاترۋلدىك پوليسيا قىزمەتكەرى قىزمەت اتقاردى. ولار 250-دەن استام پاترۋلدىك مارشرۋتتارعا قىزمەت كورسەتەدى. ماسەلەن، وتكەن جىلدىڭ 28 جەلتوقسانىنان باستاپ جاڭا جىلدىڭ 3 قاڭتارىنا دەيىن 42 مىڭ اۆتوكولىكتى الىپ ءجۇرۋ ۇيىمداستىرىلدى. جاڭا جىل قارساڭىندا جانە 2024 جىلدىڭ العاشقى كۇندەرىندە پاترۋلدىك ەكيپاجدار 6 مىڭنان استام كولىك پەن 15 مىڭ ازاماتتى جول ءجۇرۋ ورنىنا دەيىن الىپ ءجۇردى. بۇل رەتتە جولدى جابۋ تۋرالى تالاپتارعا باعىنباعان 8 جۇرگىزۋشى اكىمشىلىك جاۋاپكەرشىلىككە تارتىلدى.