جاڭا جىلدىق ءىس-شارالارعا دايىندىق قىزۋ ءجۇرىپ جاتىر. ەلىمىزدىڭ بارلىق تۇرعىندارى مەرەكەنى قارسى الۋعا دايىندالۋدا.
مەرەكە وقيعاسىز ءوتۋى ءۇشىن تجم جاڭا جىلدىق ءىس-شارالاردى دايىنداۋ جانە مەرەكەلەۋ كەزىندە ءورت قاۋىپسىزدىگى شارالارىن قاتاڭ ساقتاۋدى ەسكە سالادى، دەپ حابارلايدى aqshamnews.kz.
اۋقىمدى مەرەكەلىك ءىس-شارالار وتكىزىلەتىن ءۇي-جايلاردا تەرەزەلەردە تورلار بولماۋى ءتيىس، ەۆاكۋاسيالىق جولدار بوس بولۋى كەرەك.
شىرشانى بەرىك تىرەككە ورناتۋ كەرەك، ول بولمەدەن شىعۋعا كەدەرگى كەلتىرمەۋى ءتيىس. شىرشانى جانعىش ويىنشىقتارمەن بەزەندىرمەڭىزدەر.
ءۇي-جايدا وتشاشۋلاردى، پەتاردالاردى جانە باسقا دا ءورت ءقاۋىپتى اسەرلەردى پايدالانۋعا قاتاڭ جول بەرىلمەيدى.
پيروتەحنيكانى عيماراتتاردان، اۆتوتۇراقتاردان 50 مەتردەن جاقىن، ەلەكتر بەرۋ جەلىلەرىنىڭ، شاتىرلار مەن اعاشتاردىڭ استىندا ىسكە قوسۋعا جول بەرىلمەيدى. كامەلەتكە تولماعاندارعا پيروتەحنيكانى ءوز بەتىنشە پايدالانۋىنا تىيىم سالىنادى. سونداي-اق ساليۋتتەردى قولدان، بالكوندار مەن لودجيالاردان ۇشىرۋ ءقاۋىپتى.
سونىمەن قاتار پيروتەحنيكالىق بۇيىمداردى مامانداندىرىلعان پاۆيلونداردا ساتىپ الۋ قاجەت ەكەندىگىنە نازار اۋدارامىز. پيروتەحنيكانى، جارىقتاندىرۋدى، ەلەكتر گيرلياندالارىن جانە اشەكەيلەردى ءتيىستى سەرتيفيكاتتىڭ بار ەكەنىنە كوز جەتكىزىپ ساتىپ الىڭىز.
مەرەكە كۇندەرى وقيعاسىز ءوتۋى ءۇشىن ءورت قاۋىپسىزدىگى ەرەجەلەرىن ساقتاڭىزدار:
- بەلگىسىز ءوندىرىستىڭ ەلەكتر گيرلياندالارى مەن پيروتەحنيكاسىن ساتىپ الماڭىزدار؛
- قولدانار الدىندا نۇسقاۋلىقپەن تانىسىپ، ونى قاتاڭ ساقتاڭىزدار؛
- پيروتەحنيكانى قاتتى جەلدە ىسكە قوسۋعا بولمايدى؛
- ءبىر ۋاقىتتا بىرنەشە جوعارى قۋاتتى قۇرىلعىلاردى قوسۋ ارقىلى ەلەكتر جەلىسىن شامادان تىس جۇكتەمەڭىزدەر؛
- ەگەر ءسىز ۇيدەن كەتسەڭىز نەمەسە ۇيىقتاۋعا جاتساڭىز، گيرلياندتاردى توققا قوسۋلى قالدىرماڭىزدار؛
- بالالارعا پيروتەحنيكالىق بۇيىمداردى ءوز بەتىنشە ىسكە قوسۋعا رۇقسات بەرمەڭىزدەر؛
- بالالاردى قاراۋسىز قالدىرماڭىزدار.