جامبىل وبلىسىنىڭ اكىمى ەربول قاراشوكەيەۆتىڭ باسپا ءسوز حاتشىسى جانعازى احمەت الەۋمەتتىك جەلىدە قىزۋ تالقى مەن ازىلگە اينالعان ءوڭىر باسشىسىنىڭ فوتوسىنا قاتىستى پىكىر ءبىلدىردى.
قاراشوكەيەۆ Instagram-داعى پاراقشاسىندا 2025 جىلدى جامبىل وبلىسىندا "كىتاپ وقۋ جىلى" دەپ بەلگىلەگەنى تۋرالى جازباسىن جاريالادى، دەپ حابارلايدى aqshamnews.kz.
وندا جامبىل وبلىسىنىڭ اكىمى ەربول قاراشوكەيەۆ جاڭا جىلداعى 4 كۇن دەمالىستا نە بىتىرگەنىن جازعان.
"كىتاپ – رۋحاني ازىق، جانىمىزدىڭ شۋاعى، بولاشاعىمىزدىڭ باعدارى. بيىل، 2025 جىلدى جامبىل وبلىسىندا «كىتاپ وقۋ جىلى» دەپ بەلگىلەۋ – وسى قۇندىلىقتاردى جاڭعىرتۋعا باعىتتالعان قادام. جاڭا جىلدىق دەمالىستا مەن دە ۋاقىت تاۋىپ، حالقىمىزدىڭ ماقتانىشىنا اينالعان قابىرعالى قالامگەر شەرحان مۇرتازانىڭ «اي مەن ايشا» رومانىن جانە پوەزيانىڭ اق گ ۇلى اتانعان كۇلاش احمەتوۆانىڭ «قۇت» اتتى ولەڭدەر جيناعىن قايتا وقىپ شىقتىم"، - دەيدى ەربول قاراشوكەيەۆ.