جاڭا جىلدان باستاپ قاراعاندىلىق كەنشىلەر مەن مەتاللۋرگتەردىڭ جالاقىسى وسەدى

الپاۋىت كومپانياعا قاراستى بارلىق ەڭبەك ۇجىمدارىنا 13ء-شى ايلىق بەرىلەدى.

سونداي-اق اي سايىن قاۋىپسىزدىك بونۋسى رەتىندە 25 مىڭ تەڭگە ۇستەمەاقىسى تاعى بار. بۇل - بارلىق جۇمىسشىلارعا تيەسىلى، دەپ حابارلايدى Almaty-akshamy.kz.

ءوڭىردىڭ جاڭا اكىمى ەرماعانبەت بولەكبايەۆ بۇگىن كەنشىلەرمەن كەزدەستى. شاحتەرلەردىڭ الەۋمەتتىك جاعدايىن جاقسارتۋعا باعىتتالعان بۇل شارالار كاسىپوداق پەن كەلىسىم كوميسسياسىنىڭ جۇمىسى نەگىزىندە جۇزەگە اسىپ وتىر. الداعى ۋاقىتتا ءوندىرىس وشاقتارىندا جابدىقتار جاڭالانىپ، مامان تاپشىلىعىن جويۋ سىندى ماسەلەلەر بىرتىندەپ شەشىلمەك. 

«جالاقى جىلدىڭ باسىندا ينفلياسياعا بايلانىستى يندەكساسيا نەگىزىندە كوتەرىلەدى. ياعني ۇلتتىق بانك بەكىتكەن پايىز مولشەرىندە ۇجىمدىق كەلىسىمشارت نەگىزىندە كوبەيەدى . 13ء-ى ايلىق پەن 25 مىڭ تەڭگە اي سايىنعى قاۋىپسىزدىك بونۋسى تولەنەدى. كاسىپوداق پەن كەلىسىم كوميسسياسى بۇل باعىتتا ۇزاق ۋاقىت جۇمىس بەرۋشى تاراپپەن كەلىسسوزدەر جۇرگىزدىك. الداعى ۋاقىتتا جۇمىسشىلار كوتەرگەن وزگە دە ماسەلەلەرگە باسا ءمان بەرىلەتىن بولادى»، - دەدى «قورعاۋ» كومىر وندىرۋشىلەر كاسىپوداعىنىڭ ءتوراعاسى ەۆگەنيي بۋسلايەۆ.