پسيحياتر-دارىگەر رۋسلان يسايەۆ جارقىراعان شاراپ تا باسقا سۋسىندار سياقتى الكوگوليزمگە اكەلۋى مۇمكىن دەيدى، دەپ حابارلايدى Almaty-akshamy.kz.
"شامپان ادامدارعا وزىندىك ءبىر مارتەبەنى، ستاتۋستى بەرەتىن سەكىلدى كورىنەدى. ادامدار ونى ىشكىسى كەلمەسە دە ۇرتتاپ كورۋگە قۇمار. مۇندا پسيحولوگيالىق ستەرەوتيپتەر ءرول اتقارادى. سۋسىننىڭ حيميالىق ەرەكشەلىكتەرىنە كەلەتىن بولساق، تاۋەلدىلىك شامپانداعى گاز كوپىرشىكتەرىنە بايلانىستى ەمەس. ماسەلەنىڭ ءبارى شامپاننىڭ قۇرامىندا كەزدەسەتىن ەتانولدىڭ جيىنتىق مولشەرىندە. سەبەبى بۇل سۋسىن بەلگىلى ءبىر ۋاقىت ىشىندە الكوگولدىڭ جيناقتالعان كونسەنتراسياسى بولادى"، - دەپ ەسكەرتتى رۋسلان يسايەۆ.
دارىگەردىڭ ايتۋىنشا، شامپانعا دەگەن قۇشتارلىق ۋاقىت وتە كەلە الكوگولگە تاۋەلدىلىككە اينالۋى مۇمكىن. ول تاۋەلدىلىكتىڭ العاشقى كەزەڭدەرىندە كەڭەس الۋ ءۇشىن ماماندارعا جۇگىنۋگە كەڭەس بەردى.
جاڭا جىلدىق مەرەكەلەردە ەرەكشە قىراعىلىق تانىتۋ كەرەك. سەبەبى كوپكۇندىك مەرەكەلەر كەزىندە ادامدار ءجيى باقىلاۋدى جوعالتادى.
ال ناركولوگ تاتيانا كليمەنكو اعزانىڭ قورعانىس جۇيەلەرى وعان الكوگولدىك ينتوكسيكاسيانىڭ سالدارىمەن ءبىراز ۋاقىت كۇرەسۋگە مۇمكىندىك بەرەتىنىن ايتقان. ءبىراق ەرتە مە، كەش پە ولار ينفاركت، ينسۋلت نەمەسە ۇيقى بەزى پروبلەمالارى تۇرىندە اسەر ەتەدى. سوڭعى زەرتتەۋلەرگە سايكەس، الكوگول ءسۇت بەزى قاتەرلى ىسىگىنىڭ دامۋ ءقاۋپىن ارتتىرادى.