مەملەكەت باسشىسىنىڭ ارنايى تاپسىرماسىنا وراي، قازبسقا قۇرىلىس كوللەدجىندە بىرەگەي ءبىلىم بەرۋ جوباسى اشىلدى. «Bakarassov كونسەرنى» ج ش س جانە تم «KAIZER.» يننوۆاسيالىق لاك-بوياۋ ونىمدەرىن شىعاراتىن نەمىس زاۋىتىمەن بىرلەسكەن جوبانىڭ اشىلۋىنا قالالىق ءماسليحات دەپۋتاتى، AMANAT پارتياسىنىڭ مۇشەسى ەلەنا باكاراسوۆا مۇرىندىق بولدى.
– پرەزيدەنتىمىز قاسىم-جومارت توقايەۆتىڭ اعىمداعى جىلدى «جۇمىسشى ماماندىقتارى جىلى» دەپ جاريالاۋى بىزگە ۇلكەن سەرپىن بەرىپ، زور جاۋاپكەرشىلىك جۇكتەپ وتىر. ءبىز ەندى ەلىمىزدەگى قۇرىلىس ماماندارىن دايارلايتىن ەڭ الدىڭعى وقۋ ورداسىمەن بىرلەسە ەڭبەك ەتەتىن بولدىق. مەملەكەت باسشىسى «كاسىپتىك ءبىلىم بەرۋ سالاسىنا رەفورما جاساۋ – ايرىقشا وزەكتى ماسەلە. بۇل – ەكونوميكانىڭ ءوسىمىن قامتاماسىز ەتۋ جانە ينۆەستيسيالىق تارتىمدىلىعىن ارتتىرۋ ءۇشىن اسا قاجەت قادام. 2025 جىلدى «جۇمىسشى ماماندىقتارى جىلى» دەپ جاريالاعاندىقتان، وسى ۋاقىت ىشىندە تەحنيكالىق جانە كاسىبي ءبىلىم بەرۋ جۇيەسىن رەفورمالاۋ قاجەت. سونداي-اق، ءبىز جۇمىسشى ماماندىقتارىن دارىپتەۋ ارقىلى قوعامدا ەڭبەكقور جانە ناعىز مامان بولۋ يدەياسىن ناسيحاتتايمىز»، – دەگەن ەدى. ءقازىر ءبىز ءوز تاراپىمىزدان وسى تاپسىرمانى ورىنداۋعا بەلسەنە كىرىسىپ جاتىرمىز، – دەدى قالالىق ءماسليحات دەپۋتاتى ەلەنا باكاراسوۆا.
اتالمىش جوبا قازبسقا كوللەدجىنىڭ ستۋدەنتتەرى ءۇشىن پرەميۋم-ماتەريالدارمەن جۇمىس ىستەۋدە تاپتىرماس تاجىريبە الاڭىنا اينالارى ءسوزسىز. بۇل، ەڭ الدىمەن، بولاشاق مامانداردىڭ كاسىبي دامۋى ءۇشىن ماڭىزدى قادام. ولار قۇرىلىس سالاسىنداعى زاماناۋي تەحنولوگيالاردى يگەرىپ قانا قويماي، ناقتى نىسانداردا جۇمىس ىستەۋگە دە زور مۇمكىندىك الاتىن بولادى.
– كوللەدجىمىزدە بەس ماماندىق بويىنشا 600-دەن استام ستۋدەنت ءبىلىم الىپ جاتىر. جاڭادان اشىلىپ جاتقان تاجىريبە الاڭى ءبىزدىڭ ستۋدەنتتەرىمىزدىڭ ساپالى ءبىلىم الۋمەن قاتار، كاسىبي مامان بولىپ شىعۋىنا كەپىلدىك بەرەرى ءسوزسىز. ستۋدەنتتەر مۇندا ءۇش ءتاسىلدى يگەرەدى. ولار تەوريالىق ءبىلىم، شەبەرلىك سىنىپتارى مەن تاجىريبە الماسادى. سونداي-اق، ءبىزدىڭ سەرىكتەسىمىز KAIZER قاجەتتى ماتەريالدارمەن قامتاماسىز ەتىپ وتىر. تاجىريبە الاڭىندا ستۋدەنتتەرىمىز ارلەۋ، ليەۆكاستاۋ، بوياۋ سياقتى قۇرىلىس جۇمىستارىنا ماشىقتانادى. حالىقارالىق ستاندارپەن جۇمىس جاسايتىندىقتان اتالمىش زاۋىت ماماندارى شەبەرلىك ساباقتارىن وتكىزىپ، قوسىمشا ءدارىس بەرەتىن بولادى، – دەيدى كوللەدج باسشىسى ەراسىل مامىربەكوۆ.