Air Arabia Abu Dhabi اۋەكومپانياسىنىڭ رەيستەرى 1 ماۋسىمنان باستاپ قازاقستانعا قاتىنايدى، دەپ حابارلايدى aqshamnews.kz
كولىك مينيسترىلىگىنىڭ ازاماتتىق اۆياسيا كوميتەتى جازدىڭ ءبىرىنشى كۇنىنەن باستاپ جاڭا اۋە كومپانياسىنىڭ العاشقى رەيسىن جاسايتىنىن حابارلادى.
"بيىل 1 ماۋسىمنان باستاپ قازاقستاننىڭ اۋە تاسىمالداۋ نارىعىنا بىرىككەن اراب امىرلىكتەرىنىڭ "Air Arabia Abu Dhabi" جاڭا اۋە كومپانياسى كىرەدى. قازاقستان مەن ءباا اراسىندا اۋە قاتىناسىنىڭ اشىلۋى ەلدەر اراسىنداعى ساۋدا-ەكونوميكالىق، ىسكەرلىك، ينۆەستيسيالىق، تۋريستىك جانە مادەني ىنتىماقتاستىقتى ودان ءارى دامىتۋعا ىقپال ەتپەك"، - دەلىنگەن رەسمي حابارلامادا.
جاڭا كومپانيا "ابۋ-دابي – الماتى" باعىتى بويىنشا اپتاسىنا ءۇش رەت – سەيسەنبى، جۇما جانە جەكسەنبى كۇندەرى تىكەلەي رەيستەرىن ورىنداۋعا مۇددەلى.