بەلگىلى سكريپكاشى ۇلتتىق كىتاپحانا عيماراتىندا ورنالاسقان № 254 سايلاۋ ۋچاسكەسىنە كەلىپ، ءوز داۋىسىن بەردى.
بۇگىن مۇندا مەرەكەدەگىدەي، رەفەرەندۋمعا داۋىس بەرۋگە كەلگەندەردى ەسىك الدىندا اۋەنمەن قارسى الۋدا. داۋىس بەرۋ ۋچاسكەسى قىزىلدى-جاسىلدى شارلارمەن بەزەندىرىلگەن. مۇمكىندىگى شەكتەۋلى جاندارعا قولايلى بولۋ ءۇشىن بۇل توپتاعى ادامدار ءۇشىن ارنايى كابينكالار جابدىقتالعان. ونىڭ ىشىندە كومپيۋتەر، كوزى كورمەيتىن تۇرعىندار ءۇشىن لۋپا، قۇلاققاپ، بەدەرلى بلانكالار قويىلعان.
«مەملەكەت باسشىسى كونستيتۋسياعا ەنگىزىلەتىن ءبىرقاتار تۇزەتۋلەر تۋرالى اتاپ وتكەن بولاتىن، ونىڭ ىشىندە قوعامنىڭ بارلىق سالاسى قامتىلعان. سوندىقتان مەن الداعى ۋاقىتتا جاقسى وزگەرىستەر بولاتىنىنا سەنەمىن. بۇگىن مەنىڭ كوڭىل كۇيىم وتە كەرەمەت، سەبەبى بۇگىنگى كۇننىڭ ماڭىزدىلىعىن جاقسى تۇسىنەمىن، مەنىڭ دە داۋىسىم ماڭىزدى ەكەنىن بىلەمىن. سوندىقتان ءوز تاڭداۋىمدى جاسادىم»، – دەيدى جاميليا سەركەبايەۆا.