جاميليا سەركەبايەۆا «ەلىمە تارتۋ» اتتى ۇلكەن كونسەرت بەرەدى، دەپ حابارلايدى aqshamnews.kz
2024 جىلعى 30 قازاندا قازاقستان رەسپۋبليكاسىنىڭ رەسپۋبليكا كۇنىنە وراي الماتىداعى رەسپۋبليكا سارايىندا جاميليا سەركەبايەۆانىڭ كوپتەن كۇتكەن «ەلىمە تارتۋ» اتتى كونسەرتى وتەدى. بۇل كەش ونىڭ تۋعان ەلىنىڭ مادەنيەتىنە، جەرىنە جانە حالقىنا دەگەن سۇيىسپەنشىلىك پەن ادالدىعىن كورسەتەتىن كوپجىلدىق شىعارماشىلىق جولىنىڭ شارىقتاۋ كەزەڭى بولماق.
جاميليا سەركەبايەۆا – سكريپكا مەن وركەسترگە ارنالعان كلاسسيكالىق جانە زاماناۋي شىعارمالاردىڭ بىرەگەي ارانجيروۆكاسى ارقىلى الەمگە تانىلعان قازاقستاندىق مۋزىكالىق مادەنيەتتىڭ تانىمال برەندى. ول قازاقستانداعى روك جانە پوپ-مۋزىكانىڭ العاشقى ورىنداۋشىلارىنىڭ ءبىرى بولىپ تابىلادى. ونىڭ كونسەرتتەرى تەك وتانىمىزدا عانا ەمەس، اقش، ەۋروپا جانە ازيا ەلدەرىندە دە انشلاگپەن وتەدى. قازاقستاندا جاميليا سەركەبايەۆانىڭ تالانتى ق ر ەڭبەك سىڭىرگەن قايراتكەرى اتاعىمەن، ءبىلىم مينيسترلىگىنىڭ «بالالىق شاقتىڭ دوسى» مەدالىمەن باعالانعان. مۋزىكانتتىڭ شىعارماشىلىعى 2021 جىلى دۋبايداعى EXPO-2020 ءۇشىن ەلدىڭ مادەني باعدارلاماسىنا ەنگىزىلدى. 2023 جانە 2024 جىلدارى جاميليا سەركەبايەۆا ۆەنگريا پرەمەر-مينيسترى ۆيكتور ورباننىڭ، فرانسيا پرەزيدەنتى ەممانۋەل ماكروننىڭ جانە كورەيا رەسپۋبليكاسىنىڭ پرەزيدەنتى يۋن سوك ەننىڭ قازاقستانعا رەسمي مەملەكەتتىك ساپارلارىنىڭ مادەني باعدارلامالارىندا ونەر كورسەتتى. ونىڭ جەتىستىكتەرىنىڭ قاتارىندا مونتە-كارلو حالىقارالىق فەستيۆالىنىڭ لاۋرەاتى اتاعى مەن نيۋ-يورك دجاز قاۋىمداستىعىنا مۇشەلىگى دە بار.
«ەلىمە تارتۋ» كونسەرتى مۋزىكا سۇيەر قاۋىم ءۇشىن ناعىز مەرەكەلىك كەش بولماق. باعدارلامادا الەمدىك كلاسسيكا، قازاقتىڭ حالىق مۋزىكاسى جانە زاماناۋي كومپوزيسيالار زاماناۋي، پوپ، نەوكلاسسيكا ستيلىندە ورىندالادى. كونسەرت قازاقستاندىق سۋرەتشىلەردىڭ تۋىندىلارىن قامتيتىن اۆتورلىق بەينە كونتەنتپەن سۇيەمەلدەنىپ، جاڭا ينتەرپرەتاسيادا تىڭدالماق. ساحنادا تانىمال قازاقستاندىق ورىنداۋشىلار: تولقىن زابيروۆا، ەدىل حۋساينوۆ، زارينا التىنبايەۆا، «مۋزارت» توبى، «الاۋ» توبى، Nora Nugman جانە باسقالار ونەر كورسەتەدى. كورەرمەندەرگە الەكساندر بەلياكوۆتىڭ جەتەكشىلىگىمەن «ALJazz Symphony» ەسترادالىق-سيمفونيالىق وركەسترىمەن بىرلەسكەن قويىلىمدار ۇسىنىلادى، سونداي-اق گرۋزيانىڭ التىن داۋىسى – تاڭعاجايىپ «گارمونيا» ءانسامبلى ءان شىرقايدى.
كونسەرت زاماناۋي سيفرلىق تەحنولوگيالارمەن، جارىق ارنايى ەففەكتىلەرمەن جانە بەينە-دەكوراسيالارمەن سۇيەمەلدەنىپ، كورەرمەندەر ءۇشىن ۇمىتىلماس اتموسفەرا جاسايدى. كونسەرت ەكى ساعاتقا سوزىلادى، ونىڭ بارىسىندا كورەرمەندەر مۋزىكالىق شەديەۆرلەردى عانا ەمەس، سونىمەن قاتار جارقىن ۆيزۋالدى شەشىمدەردى دە تاماشالايدى.
جاميليا سەركەبايەۆا: «بەس جىل بۇرىن مەن شىعارماشىلىق ءومىردىڭ جيىرما بەس جىلدىعىن اتاپ وتكىم كەلدى، ءبىراق بىرنەشە سەبەپتەرگە بايلانىستى كونسەرت وتپەي قالدى. بيىلعى جىلى مەنىڭ كوماندام وسى كونسەرتتى وتكىزۋ يدەياسىنا جاناشىرلىقپەن قاراپ، قولداۋ كورسەتەتىن تالانتتى جانە ەڭبەكقور دوستارىم رەسپۋبليكا كۇنىن تويلاۋ كەزىندە ويلاستىرىلعان، تۋعان جەر مەن ەلگە ارنالعان شارا رەتىندە ىسكە اسىرۋدا. بۇل مەنىڭ ارمانىم جانە ومىرىمدەگى ماڭىزدى كەزەڭ. مەن ءار قوناقتىڭ ەستەتيكالىق ءلاززات الىپ، جاڭا جانە شابىتتاندىراتىن نارسە تاپقانىن قالايمىن!»
كونسەرت الماتى قالاسى اكىمدىگىنىڭ قولداۋىمەن وتەدى.
جوبانى قولداۋشىلار: «Air Astana» اۋە كومپانياسى، «ALT Sound» كومپانياسى، «ءۋچوت KZ»، «Triumph»، «Good»، «The Chef Group»، «ءلون»، «Inzhu»، «Abay» مەيرامحانالارى، «Holiday Inn» قوناق ءۇيى، «رۋسسكوە راديو» راديوسى.