جەدەل الدىن الۋ ءىس-شاراسىنىڭ بارىسىندا الماتى تۇرعىنىنان ەسىرتكى وراماسى تابىلدى
جامبىلدىق پوليسەيلەر الماتى تۇرعىنىنان پسيحوتروپتىق ەسىرتكى زاتىن تاركىلەدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
14 قاراشادا “رەفلەكس-2021” رەسپۋبليكالىق جەدەل الدىن الۋ ءىس-شاراسىن وتكىزۋ بارىسىندا جامبىل وبلىسىنىڭ پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ق ر ۇلتتىق قاۋىپسىزدىك كوميتەتىنىڭ شەكارا قىزمەتى قىزمەتكەرلەرىمەن بىرلەسىپ، “يۋس” اتتى قىزمەتتىك يتىمەن قىرعىز رەسپۋبليكاسى اۋماعىنان قازاقستان رەسپۋبليكاسىنىڭ مەملەكەتتىك شەكاراسىن كەسىپ ءوتۋ كەزىندە قورداي بەكەتىنىڭ وتكىزۋ پۋنكتىندە الماتى قالاسىنىڭ تۇرعىنىنان جالپى سالماعى 4 گرامم “ەفيدرون” پسيحوتروپتىق زاتى بار ەكى ورامانى تاۋىپ، تاركىلەدى. اتالعان دەرەككە قاتىستى قازاقستان رەسپۋبليكاسى قىلمىستىق كودەكسىنىڭ 286-بابىنىڭ 4-بولىگى جانە 296-بابىنىڭ 4-بولىگى بويىنشا سوتقا دەيىنگى تەرگەۋ امالدارى باستالدى. ۇستالعان ازامات كىناسىن مويىنداپ، قورداي اۋدانىنىڭ ۋاقىتشا ۇستاۋ يزولياتورىنا قاماۋعا الىندى.