وق-دارىلەردىڭ قالدىقتارى جان-جاققا ۇشپاعان.
بۇگىن 10 قازاندا ساعات 7:20 شاماسىندا جامبىل وبلىسىنىڭ سارىكەمەر اۋىلىنداعى ينجەنەرلىك وق-دارىلەر قويماسىنىڭ اۋماعىندا بۇرىن زاقىمدانعان جارىلعىش زاتتار ورتەندى. بۇل تۋرالى قورعانىس مينيسترلىگىنىڭ باسپا ءسوز قىزمەتى مالىمدەدى، دەپ حابارلايدى Almaty-akshamy.kz.
«جارىلىس سالدارىنان وق-دارىلەردىڭ قالدىقتارى مەن بولشەكتەرى جان-جاققا ۇشپاعان. بۇل جۇمىستان تىس ۋاقىتتا بولعان. جاقىن جەردە ادامدار بولماعان. عيماراتتار مەن قۇرىلىستار زاقىمدالماعان. اۋدانداعى احۋال تۇراقتى. الداعى ۋاقىتتا دا بۇنداي جاعدايلار بولۋى مۇمكىن. ودان بولەك، قويما اۋماعىندا ءقاۋىپتى وق-دارىلەردىڭ باقىلاناتىن جارىلىستارى جۇرگىزىلەتىن بولادى»، - دەلىنگەن حابارلامادا.
قازىرگى ۋاقىتتا 26 تامىزىندا ورتەنگەن قويمانىڭ تەحنيكالىق اۋماعىن جارىلعىش زاتتاردان تازارتۋ جۇمىستارى جالعاسۋدا.