زارداپ شەككەندەر جوق، كوميسسيا عيماراتتاردى تەكسەرۋدى جالعاستىرۋدا.
تجم جەدەل شتاب پەن جەدەل جەلى اشتى، دەپ حابارلايدى aqshamnews.kz.
ق ر تجم سەيسميكالىق بەلسەندىلىككە بايلانىستى ازاماتتىق قورعاۋ كۇشتەرى مەن قۇرالدارىن دايىندىققا كەلتىردى. تجم باسشىسىنىڭ تاپسىرماسى بويىنشا سەيسميكالىق احۋالدى باقىلاۋ ءۇشىن جەدەل شتاب تاۋلىك بويى جۇمىس ىستەيدى. ۆيسە-مينيستر باتىربەك ابدىشيەۆتىڭ توراعالىعىمەن كەڭەس ءوتىپ، ۆەدومستۆولار اراسىنداعى ۇيلەستىرۋ مەن دايىندىق ماسەلەلەرى تالقىلاندى.
قۇتقارۋشىلاردىڭ جەدەل توپتارى دايىندىققا كەلتىرىلدى، ال اقپارات الماسۋ مەن ۇيلەستىرۋ ءۇشىن بەينەكونفەرەنسيا ۇيىمداستىرىلدى. تجم جەدەل توبى جامبىل وبلىسىنداعى سەيسميكالىق ءقاۋىپتى ايماقتارعا جىبەرىلدى. نەگىزگى نازار حالىقتى اقپاراتتاندىرۋ مەن ينفراقۇرىلىمدى قورعاۋعا اۋدارىلدى. مينيسترلىك جاعدايدى باقىلاۋدا ۇستايدى جانە حالىقتى ۋاقىتىلى حاباردار ەتەدى.