جامبىل وبلىسىندا داۋىل مەن قالىڭ قار تۇرعىنداردى ەلەكترمەن جابدىقتاۋعا جانە كولىك جۇمىسىنا كەدەرگى كەلتىردى، دەپ حابارلايدى اlmaty-akshamy.kz.
جامبىل وبلىسى اكىمدىگى باسپا ءسوز قىزمەتىنىڭ حابارلاۋىنشا، كۇشتى جەل مەن قار ارالاس جاڭبىر سالدارىنان شۋ اۋدانىندا ەلەكتر جەلىسى ءۇزىلىپ، تىرەۋىشتەر قۇلاعان. وبلىستىڭ 4 اۋدانىنداعى 32 ەلدىمەكەندە 8 882 ابونەنت جىلۋسىز قالدى.
تج سەبەبىنەن شۋ-وتار اۋماعىندا ءارقايسىسىنا ورتا ەسەپپەن 500-700 ادام مىنگەن 11 جولاۋشىلار پويىزى توقتاپ تۇر. 12 جۇك پويىزى دا ساپارىن جالعاستىرا الماي قالدى. جەل ەكپىنى سەكۋندىنا 45 مەترگە جەتەدى.
“قازگيدرومەت” رمق جاقىن كۇندەرى قالىڭ قار جاۋىپ، جەل 30 م/س دەيىن كۇشەيەدى دەپ بولجاپ وتىر.
اكىمدىك جەرگىلىكتى تۇرعىنداردى قازىرگى جاعدايعا بايلانىستى رەسمي دەرەككوزدەرىڭ اقپاراتىنا عانا سەنۋگە شاقىردى.
وڭىردە اۋا رايىنا بايلانىستى جەرگىلىكتى تج جاريالاندى.
بۇعان دەيىن جامبىل وبلىسىندا اۋا رايى كۇرت ناشارلاپ، اق تۇتەك بوران سوعىپ، جولدىڭ دۇرىس كورىنبەۋىنە بايلانىستى «شۋ-قاينار» تاس جولىنىڭ 0-56 شاقىرىمى، «قورداي-قاينار» تاس جولىنىڭ» 214-2358 شاقىرىم بولىگى اۆتوكولىكتىڭ بارلىق ءتۇرى ءۇشىن جابىلعانى حابارلانعان.
سونداي-اق اۋا رايىنىڭ قولايسىز جاعدايىنا بايلانىستى 500-دەن استام جۇك كولىگى تاس جولداردىڭ بويىندا تۇرعانىن جازعان بولاتىنبىز.
ءىىم باسپا ءسوز قىزمەتىنىڭ مالىمەتىنشە، جامبىلدىق پوليسەيلەر اۆتوجولدارداعى جاعداي دۇرىستالىپ، ءقاۋىپ سەيىلگەنشە ازاماتتارعا جان-جاقتى كومەك كورسەتىپ جاتىر.