جالپىعا بىردەي دەكلاراسيالاۋدىڭ نەگىزگى ماقساتى – ازاماتتاردىڭ كىرىس مولشەرىنە قاراي ءادىل سالىق سالۋدى قامتاماسىز ەتۋ بولىپ تابىلادى.
سالىق تولەۋدەن جالتارعانداردى انىقتاۋ كولەڭكەلى ەكونوميكانىڭ دەڭگەيىن تومەندەتۋگە مۇمكىندىك بەرەدى، دەپ حابارلايدى اlmaty-akshamy.kz.
كولەڭكەلى اينالىمدى ازايتۋدىڭ ءتيىمدى ادىستەرىنىڭ ءبىرى – ازاماتتار ءومىرىنىڭ اجىراماس بولىگىنە اينالعان قولما-قول اقشاسىز تولەمدەرگە كوشۋ بولىپ تابىلادى.
قازاقستان قارجىگەرلەر قاۋىمداستىعىنىڭ مالىمەتتەرىنە سايكەس قازاقستاندا 9 ايدىڭ قورىتىندىسى بويىنشا قولما-قول اقشاسىز تولەمدەردىڭ ۇلەسى 86%-عا دەيىن ءوستى (وتكەن جىلى – 82%).
ەرەسەكتەردەن باسقا، 6 جاستان باستاپ بالالار دا قولما-قول اقشاسىز تولەمدەردى بەلسەندى پايدالانادى، اتا-انالاردىڭ 41،4%-ى بالالارىنا كارتا راسىمدەگەن (Kursiv Research سوسيولوگيالىق زەرتتەۋلەر ورتالىعىنىڭ دەرەكتەرى).
بانكتەردەگى جەكە تۇلعالار دەپوزيتىنىڭ سانى 16،9 ميلليوننان 19،8 ميلليونعا دەيىن ءوستى، جىلدىق ءوسىم 14،3%-دى قۇرادى، دەپوزيتتەردىڭ جالپى كولەمى 18،6 ترلن تەڭگەنى قۇرادى. (قازاقستاننىڭ دەپوزيتتەرگە كەپىلدىك بەرۋ قورىنىڭ دەرەكتەرى).
مەملەكەت سالىمدارعا كەپىلدىك بەرۋ جۇيەسىنە 19 قاتىسۋشى بانكتىڭ ءارقايسىسىندا 20 ميلليون تەڭگەگە دەيىنگى بانكتىك سالىمدار بويىنشا وتەلۋىنە كەپىلدىك بەرەدى.
ەل اينالىمىنداعى قولما-قول اقشانىڭ ماردىمسىز سوماسىن ەسكەرە وتىرىپ، ءاربىر ازامات دەكلاراسيالاۋ كەزىندە 34،5 ميلليون تەڭگەدەن (10 000 اەك) اسپايتىن قولما-قول اقشانى كورسەتە الادى. وزگە قاراجاتتىڭ بولۋىن ەكىنشى دەڭگەيدەگى بانكتەر راستايدى.
سالىق كودەكسىندە بانكتەردىڭ سالىق تولەۋشىلەردىڭ بانكتىك شوتتارى تۋرالى مالىمەتتەردى سالىق ورگاندارىنا بەرۋگە مىندەتتىلىگى قاراستىرىلعان (سالىق كودەكسىنىڭ 26-بابى).
بۇل تالاپ كونستيتۋسيانىڭ نورمالارىنا قايشى كەلمەيدى، ويتكەنى بۇل قۇقىقتى شەكتەۋگە زاڭدا ناقتى بەلگىلەنگەن جاعدايلاردا جانە تارتىپپەن جول بەرىلەدى (كونستيتۋسيانىڭ 18-بابىنىڭ 2-تارماعى).
وسىعان بايلانىستى «بانكتەر جانە بانك قىزمەتى تۋرالى» زاڭنىڭ (50-باپ) جانە سالىق كودەكسىنىڭ (30-باپ) نورمالارى سالىق سالۋ ماقساتىندا بانك قۇپياسىن جاريا ەتۋدى كوزدەيدى.
شەتەلدەگى جانە قازاقستانداعى اكتيۆتەردى بارىنشا انىق دەكلاراسيالاۋ قاجەت ەكەنىنە نازار اۋدارامىز. الداعى ۋاقىتتا سالىق سالىناتىن كىرىستى انىقتاۋ كەزىندە اكتيۆتەردىڭ قۇنى ەسكەرىلەتىن بولادى.